#بارت٢٥

هوَ حناني عليك قسّاك حتى عليّا ؟


ستائر مغلقة قلوبنا، اضاءة خافته ، فراش دافئ
أصوات هامسة بعيدة ، خوف ، قلق ، وتفكير مستمر
انتهى من دخل غرفتنا بنفس نظرات الرهبة قبل
عدلت نومتي رفع أيده وبنبرة حنونة يحاجيني
علي الآكبر: لا تعبين نفسج ابقي مرتاحة انا اجي عندج .

اتقرب صار قريب مني گعد مبتسم بأريحية
قرب أصبعه برقه يلاعب رموشي ويعدل حاجبي
_ شلون صرتي؟
_ حجيت انت وريان .
_ لا دوخين نفسج .
_ احس نفسي تايهة بدونك ارجع مثل قبل بغلاتي ارجع .

اتلمس خدي ونزل على شفايفي واقترب بدون شعور
طبع بوسة بطرف شفتي وصعد على خدي
_ دُر ..
_ روحها الدُر انتَ .
_ بدلي نطلع المكان نتفاهم بي احس الغرفة تخنگني .
_ عيونك حمرة أتخوف .

لزمني من ايدي ساعدني انزل من السرير كعدت اشوفه
شلون راح للكنتور فتحه وطلع فستان طويل وسحب شال
خلاهم بصفي ورفع شعري بطرف اصبعه رجعه ورا ظهري
_ نازل انتظرچ جوة .

هزيت راسي هو طلع واني بدلت واخر شي خليت
الشال بـ اهمال على راسي لان بعدني ما ملتزمة
نزلت البيت هدوء الأبعد الحدود الكُل بغرفهم بعد
الصار بين ريــان وجود ، طلعت لگيت جــود يسولف
هو وعلي الآكبر برا والسيارة مشتغلة من شافني
طفاها واجه اتجاهي فتح الباب صعدت وجود ظل
ينتظرنا برا ، شخط السيارة وطلعنا انتبهت على
ساعة ب12:30 بليل حتى المنطقة قليل بيها ناس
قربنا نوصل وتقريباً عرفت وين رايحين حسيت
بشعور غريب التفتت صفنت بملامحه وكف
السيارة مقابيل السوبر ماركت الي دخلنا بي جوة المطر
بدايت تعارفنا نزلني يمشي قبلي مشيت لزمت أيده
ودخلنا اخذ سلة وصرنا نمشي وناخذ اغراض
من حاسب اخذ بيده كيكة وعصير وصعد باقي الأغراض بالسيارة
ردت اصعد قفل السيارة ولزم ايدي وعبرنا الشارع
دُر : انروح للمنتزه .
_ امممم .
_ ليش ؟
_ اسمعچ وتسمعيني .
_ اي احسن .
_ تريدين تحجين .
_ اي بس تحجي ويايه مثل قبل مو بهاي الطريقة الباردة .
_ خادم .

عفت ايده ورحت صعدت بنفس المرجوحة
_ اتخافين ؟
_ تريد اخاف وعلي الآكبر موجود .
_ يهد الخوف هد الخاطر ضحكتچ .
_ ادري بي يفضل دُر على روحه .

دفعت المرجوحة برجلي لان هو أيده ملفوفة كعد على مصطبة
قريب مني شغل جگارة وصفن بيَّ حاولت ما ابين ارتباكِ من نظراته
وتركيزه بكُل حركة مني ، وكفتها من سمعت صوت حسرته
علي الآكبر: تدرين شصار بيَّ بيوم سافرتي ؟
ثبتت نظراتي انتظر يكمل استمعت بكُل اهتمام لكل كلمة ينطقها
_ مشيت بين اهلي ميت يريد يصرخ يحجي بس اهله يشيعون بيَّ
لا ظل حيل ولا شي يحلى بعيوني من بعد عيونچ .

شغل جگارة ثانية وكمل على كلامه وبصوته كسره
نبرة الضعف والحزن وصلتني بدون حواجز
_ كرهت نفسي وضعفي وتندمت لان وصلت المرحلة هوس
انتِ تعرفين الهوس بشخص شلون يموت اني هوسي بيچ موتني .
_ علي الآكبر .
_ دُر كرهت نظرات اهلي والناس وعاديت روحي
جنت أحاسبها لإن بالغت بحبچ خليت اهلي يفترون
بيه بين الدكاترة والسادة وماخليت ضريح امام
ما نمت بي وبقيت عليل من رحتي عرفت
فراگج وسواس من تقتربين مني يسكن وسواس راسي .

مسحت ادموعي وحاولت احجي حتى يفتهمني
_ سافرت مجبورة وانت تدري بيت الرياش زلم ما تكدر
عليهم شلون تريدني اطلع منهم واجيك .
_ دمرتهم كلهم فرقتهم مثل ما فرقونا .
_ گلبي مايبرد منهم خلوني اشوف انــور شلون يتعاطى
هل لحظة ما انساها علي الآكبر ما انساها لو انت بمكاني
تسوي الأكثر مني .

اتقرب گعد ثاني رجله واستند على رجلي عيونه مركزه بعيوني
_ دُر انتِ آولى اهتماماتي والله دُر افضلچ عليهم كلهم
ماكو حُب يعلو على حبچ بگلبي .

تلمست وجهه براحت ايدي وعيوني غوشت بدموعها
_ انا والله ما اريد اغلط بحقك علي الآكبر
لا تأذيني اني الدنيا تعبتني انتَ مو تدري بيها شكد تعبتني .
_ انا يمچ شيلي الحمول الثگال خليهن بيَّ بوية دُر .

_ اني ما غلطت بحقك انجبرت على السفر
وانت انجبرت على الفراك وتريد تنتقم مني بيا ذنب ؟
_ اهدد بالانتقام وانا من اشوفچ بنظرة وبكلمة منچ اضيع روحي .
_ ادري بيك تعبان .
_ انا انسان استوطن التعب گلبه بيوم رحتي .

رفعت راسي شفّت المنتزه فارغ ملت راسي وبست شفايفه
_ اعوضك وتعوضني ؟
_دُر تعوضيني من تسمعين كلامي ، وتعرفين علي الآكبر
اذا رفض بيوم شي انتِ تشوفي صح بس من خوفي وحرصي
عليچ انا افكر بالبعيد اشوفه غلط وارفضه .
_ بعد اسمع كلامك والله .
_ عوضيني خليني احس بالأمان وانا وياچ مو اتقرب
منچ وسواس بعقلي يگلي راح تروح وبعد ماتشوفها
اريد اعيش وياج بدون خوف
دُر انا أخوف زلم وماخاف بس فراگج يخوفني .

أريد احضنه بس سبقني من وكف وسحبني على صدره
بجيت بصوت مسموع على دمعته الي نزلت بضعف منه
رفع وجهي وباس راسي بوسة طويلة
_ من ابوس راسچ چن بوسة مذنب
غلطان تارك صلاته وتاب وشاف تربة وباسها .

مسح ادموعي بيده وفتح العصير والكيكة
_ اكلي تعبتي .
_ راح تظل تحبني هيج لو بعدين تمل مني .
_ ارتاحي لا امل ولا اتعب منچ كلبي يمچ
حتى لو يتعب يرخص لعيونچ .

أخذت الكيكة والعصير اكل بيهن وهو يشرب بالجگارة
كعد بصفي عبر ايده قربني وحضني واني اكل من خلصت
عدل ملابسه ورفع شعره بطرف اصابعه السالمات من الضربات
_ يلة دُر نرجع ؟
_ أي نعسانة .
بين ما نكتت ملابسي هو ابتعد كم خطوة رفعت نظراتي
اريد أتأكد رجع نفسه علي الآكبر لو بعد اكو شي بگلبه .
_ علي الآكبر .
_ ها دُر .

رفعت حاجبي وكتفت ايدي برطمت شفايفي بزعل ورجعت بمكاني
_ شكو ؟
_ ماتحبني انت جذاب .
_ هرمونات .
_ علي الآكبر .
_ عيوني اسمع .
_ والله ترا ازعل عليك واخليك تنام بصف جــود .

اجه يمي عدل شالي وجر انفي وهو يضحك
_ احجي امريني .
_ فكر قبل لا تجاوبني .
_ ههههههههههه .
_ والله فاهمني بس تحب تعذبني .
_ حتى احودني حود .
_ علي الآكبر .
_ رووووووحه والله روحه العلي الآكبر .

مد ايده لزمتها ومشيت وراسي على كتفه وهو حاضني من خصري
عبرنا للسيارة صعدنا وطول الطريق ايدي بيده كل شوية رافعها
يبوس بيها ويخليها على گلبه ، نزلنا وجود بعده بالباب
من نزل علي الآكبر اخذ الأغراض
مشيت لزمت ايده عقچ وجهه
ودار عيونه يهز بيده ومايتحمل اذا مايحجي
جــود : على اقل اكل اسبوع زعلان حلل كلامك والحلفان
ولك هسة انت مطلوب كفارة بعدد شعفتك اشتغل وأدفع كفارة .

دُر : يمه راح ينفجر الغيرة همات تموت دير بالك .
علي الآكبر: اتعلم الخبث من ميثاق .
جــود : اختلفت مووو اختلفت اكلت عقلك طيح الله حظ الخوة.
دُر : بعد لا تقترب من زوجي دير بالك .

بقت ايدي بيد علي الآكبر ودخلنا وهو يقفل بالباب
_ صار ساعتين بالشارع انتظر تالي ما تالي باعني .
وكفت اشرب ماي وهو عبرنا وصعد قبل لا نصعد
من كملت هو قفل باب المطبخ واني صعدت على مهلي
خليت ايدي على شفايفي حتى ما تنسمع صرختي
من رفعني من الدرج وهو يصعد ويضحك على ملامح الهبطة
_ شنو بنيتي تصعد الدرج وحدها وانا موجود .

دخلنا وبرجله سد الباب وهو يبوس بكل مكان بوجهي
كعدني على سرير وسحب الشال من شعري وفتح القراصة
يعدل خصلاتي وعيونه ذبلانة تلمع بحُب وحنيه
_ اسف دُر .
_ على شنوو؟
_ خوفتچ من رجعتي خليتچ تخجلين مقابيلهم ويمكن
حسستچ بالندم لان اجيتي ونزلت دموعچ خليت موقفچ صعب مو قصدي .

_ خفت عليك مو منك .
_ من شفت شكلچ صرت عصبي مو بيدي وخفت عليچ
مني ، ضربت نفسي بس بعدين من شفت ادموعچ
وشلون لازمه امي وترجفين صرت بوسط النار
ومريت بحرب بين عقلي وكلبي اريد آخذج بحضني
واعتذر لان خوفتچ والله وغلاتچ عندي .

لزمت ايده بستها وهيَّ ملفوفه وخليتهن على گلبي
_ كلهم عدهم سهل يضربوني اهلي اخواني
يهون عليهم خوفي ودموعي بس انت تختلف عنهم
اذيت روحك حتى ما تضربني من سمعتك تگول
اكسر ايدي لان تريد تكسرها وعدت روحي لو شنو
يصير بيناتنا بعد ما اعوفك وياك اتحمل الحد مايطيب
گلبك ويتعبك حبل الشوك ويرجعك الدُر .

علي الآكبر: انعل ابهاتهم كلهم يروحون فدوة لكل
رمشة ترمشيها يروحون فدوة لكل ضحكة تضحكيها
انا بس انا احبچ واخاف عليچ واغار عليج حتى من روحي
كلهم يولون دُر كلهم مايوصلون الذرة من حبي الچ .
بمجرد ماخلص كلامه حضني ونزل راسه يبوس برگبتي
سيطر على حركتي بحنيه، لمساته كُلها لهفة وعيونه
غرگانه بحبي كلامه وهمساته بـ اذني بكُل مرة يطبع بيها
بوسة على شفايفي ذوبتني بي وبجرأته .

بعد وقت جنت ارسم دوائرعلى صدره العاري
وهو حاضني بكُل تملك من خصري شفايفه
على گصتي يبوس بيها بوسات متواصلة
_ دُر ..
_ امممممم .
_ بعد ما گلتي احبك ؟
_ هي تجي وحدها .
_ بالوقت الغلط .
_ اي من اريد اسيطر على عقل وعصبية علي الآكبر .
_ تعرفين تلعبيها صح .
_ تربيتك .

رفع نفسه وسحب باكيت الجگاير شغلها جر نفس
وسحبني يبقيني بحضنه يعدل بشعري وحاير مبين
يفكر وعنده كلام ومتردد صافن بعيوني ومبتسم
_ أحجي لا تفكر وتعب نفسك .
ذب نفس ممزوج بحسرة وسألني
_ انــور همَّ ضربج من سافرتوا ؟
_ هو اني مصدومة قبلك بس لا ابد ابد ما ضربني
قليل يتواجد بالشقة يطلع الصبح يرجع بليل ينام
واذا موجود بعده نفس طبعه يعزل نفسه مايحب الجمعات
بس لاحظت ريــان هواي يطلع وياه ومرات يدخل للغرفة
مالته واسمع صوتهم يسولفون واحياناً من ناكل همات
يروح يصيحه ياكل وحسيت ياخذ بكلام ريــان .
_ مو ياخذ بكلامه انــور شمه وين يسمع شكو براسه ينفذه
بس لان ريــان ساعده من سافرتوا اتعالج انــور من المخدرات .
_ يعني هسة انــور متعالج منها تماماً .
_ اي .
_ شلون تعرف احنا من رجعنا ابد ما حجيت وياهم .
_ هههههههههههه انا كلشي اعرف .

عضيت ايده ضحك بصوت اعلى وجرها مني ولزم وجهي
_ لچ بوية لااا .
_ تضحك عليَّ وماتقبل تحجي عفية علي الآكبر عفية .
_ محادثتنا تتذكريها .
_ اي .
_ ريــان مثلچ متعود يراسلني بكلشي وكُل كم
يوم يفضفض اذا تصير عنده مشكلة يكتب وهيج .
_ قبلي لو بالجديد ؟
_ من زمان .
_ وريان هو بلغك على علاج انــور ؟
_ اي وتعالج وخلص بس بقت اخلاقه الخايسة أني أعالجها .

عدلت نفسي وسحبت الغطوه لفيت نفسي ولزمت ايده
اتحولت ملامحه للجديه وهز راسه بمعنى شكو
دُر : علي الآكبر اذا تحبني أتعدل اسلوبك وياهم
ميصير على كلشي وتتضاربون انت وانور وحتى
اخر فترة انت وريان مو حلو هل طبّع يبقون اخواني
اذا ينهان واحد منهم الاهانة توصلني محسوبين عليه .
علي الآكبر: يدوسون بمصاريني وحگ ابو راس الحار .
- الخاطري علي الآكبر اذا عندي خاطر يمك عدل اسلوبك .
_ الخاطرچ احاول بس لا تزعلين .

رجعت نمت بين أحضانه وهو يتلمس اصابيعي
ويسمعني انوع كلمات الغزل واحلى اخذ كلبي وعقلي
وكُل ذرة بجسمي صارت تحت امره وتحت سيطرته
الثاني يوم فزيت على اصوات عالية جوة تململت
بالفراش فتحت عيوني مزعوجة من الضوء الداخل
من الشباك ماسين البردة مفتوحة اريد اگوم وانسحبت
من خصري اتذكرت اني مو وحدي بست خده فاتح عيونه
تضحك والفرحة مبينه بوجهه قلبني على السرير وصار فوگي
يبوس بخد ويروح على خد الثاني رفع ايدي باسها
_ بعد ما اريد شي من الدنيا ما اتمنى اي شي
صباحي يبدي بدُر وهيَّ بهل منظر گدامي
ألاعبها أضحكها ابوسها اتلمسها براحتي ملكي حلالي .

شو الصبح اختلفت على ليلتنا الخجل ترس وجهي
وگلبي يدگ وبطني هيچ بيها فراشات من الفرح
وحسيت كُل جسمي صعدت حرارته من نظراته
دفعته من صدره وهمست وصوتي يريد يختفي
_ علي الآكبر ارجع ثگيل كافي جرأة من الصبح .
_ گدامي دُر واصير ثگيل هو غير حلم وتحقق .
سحبت نفسي وأخذت الغطوة غطيت نفسي وطفرت على كنتور
لبست شلون مكان وطلعت للحمام سبحت ورجعت شفته
گاعد يشوف آخر الأخبار بالفيس بعدني ابدل وحسيت
طرق خصري ويبوس برگبتي
_ شعرج طولان بس صاير خفيف .
_ يوگع يخوف من يوگع .
_ اريد ادلل بنيتي .

اخذ ايدي كعدني على التخم وراح للمجر
ورجع بيده مشط رفعه بيده جر نفس طويل
وابتعدت يسرح بشعري بكُل حذر وانتباه
شغل السشوار نشفه كُله ولزم التلفون
كتب ( كيف اعمل ظفيرة شعر )
طلع فديو وياهم وياهم يطبخ الخطوات
واني خليتها على الصامت من الصدمة
والراحة والامان الي احس بي بي ايده
كملها صارت تجنن ضبطها من اول مرة
باسها وضحك رحت على ميز شفتها
صفگت بيدي بفرح جنت اتمنى احد
يحبني يسويها ويهتم بهل تفاصيل لان تهمني .

رحت طبعت بوسة على خده وركضت للباب
_ انزل قبلك

_ شوفي شنو موجود أكل جهزي ناكل انا وياچ .
_ تدلل .
_ حبيبي .
_ شنو ؟
_ گولي تدلل حبيبي .
خجلت سديت الباب ونزلت بعدني على درج واسمع واحد
من جوة يصفگ باوعت وابتسمت رفعت راسي
ونزلت بطيء على اقل من مهلي وهوه يفر بشفايفه
جــود : نزلت المسعدة .
ابو حسن : صار ساعة يحجي عليكم شوفي بسط ويدردم .
دُر : صباح الخير .
جود : مساء اليل عيني .
ام حسن : مسموم هل ولد الله يساعد المسكينة زوجتك .
جــود : هي وينهاااا خلي تجي اذا ما أخليهآ ماتنزل
عليكم وممنوع تنظف وادللها ونطلع اني وياها بنص اليالي
بس هاي إذا مثقفة احس گطعت الأمل بالمثقفات .

رحت للمطبخ شهد تاكل مستعجلة تريد تطلع
باوعت على ساعة ب11 ونص سلمت ورجعت
تصب وتاكل فتحت الجدر وشفت جــود مركز ويانا
دُر : الله برياني مرق چكن .
اني هيج حجيت وشهد بعلو صوتها ضحكت وهيَّ
من آصحاب الضحكة الرنانة واشرت على جــود
استداريت واشوف هذا متربع وينود ينود ينود
جــود : سمعتي يمممممه سمعتي مرگ الدجاج
المثقفين يسموها مرق چُكن اخخخخخخخخ يممممه .

وعمتي شيلتها على وجهه وجسمها يهتز وعمي
يلزم بي وگف على حركة بس ظل متربع ومنزل
ايده ومايل راسه صافن مصدوم
علي الآكبر: مساكم الله بالخير .
ردوا السلام گعد قريب من الو وجود
بنفس الصدمة اشر عليه وصاح
_ شبي هذا ؟
دُر : علي الاكبر .
_ شبيج دُر
دُر : هذا جود خبلني .
_ شبي ؟
_ وكيح .
جــود : اوقتلني قتل مبرح اوقتلني .

شو علي الآكبر غلس ودار وجهه يحجي هو وابو
على شغل وعمي يحجي على مشكلة صايرة بالعشيرة
ومتصلين علية يريدون يجي هو والولد كلهم يفزعون .
علي الآكبر: سهلة هل يومين نروح الهم .
_ اي والله بوية خليهم على بالك .
_ تدلل .
نزلت الأكل وكعدت قريب منه شو هذا عبالك ما متزوج
يقرر وحده بقيت احوس اريد انسى وبعدين احجي ما كدرت
دُر : وين تروح ؟
وهو منزل راسه ياكل رفع حاجبة ويباوع عليَّ
_ هنا بالإسكندرية قريب على كربلاء .
_ المفروض اعرف قبل لاتروح علي شبيك .
جــود : قدم استمارة طلب سفر اذا توافق روح ويانا .
ابو حسن : ادخل حشر روحه .
علي الآكبر: اي شكو بيها بليل اقدم طلب من حقچ .

ضحكت وكملت اكل واني اجاوبه
_ لا ماكو داعي وافقت عادي روح .
علي الآكبر : هههههههههههه .
ام حسن : هي تشاقة لو تحجي صدك .
علي الآكبر: لا والله تحجي صدك ههههههه .
دُر : شنو ؟
_ اكلي ماكو شي سلامتچ .

اكل وهو يفلس ويخلي بالماعون ومايقبل ارجع من خلصنا شلت
كلشي وصبيت جاي على عددنا كلنا ، دخل سراج الدين
عمي اول ما دخل صاح بي وهو گعد وياهم
_ ها بشر شلون صار ابنك ؟
سراج الدين : والله بوية بعده هسة رجعت من الدكتور
بيت عمهم البوب مفتوحه ويبرد لان نايمين بالاستقبال ماعدهم مكان .
ابو حسن : اي رجعها .
هو حجاها وسراج راقب رد فعل علي الآكبر
بس هو مغلس وباقي يخوط بالاستكان مايريد يدخل .

جاوب سراج الدين بحيرة وهوه متردد
_ والله ما ادري انا اريدها تعتذر على غلطها
هيَّ شحنت عمامها وضربوا علي الآكبر على راسه
وبعدنا ما متصالحين وياهم شلون ارجعها .
علي الآكبر: سهلة ابوية يروح وياك بس قبلها
انطيني مهلة يومين انقل غرفتي على بيت .

ام حسن : هسة يمه عوف البيت كاعد ومرتاح بغرفتك .
علي الآكبر: هناك احسن .
كمل شرب جاي شوية وطلع حتى مايحجون زايد
واني رجعت للمطبخ غسلت المواعين وريمان وبتول
يسولفن على الجوارين من دخل علي الآكبر ياخد التلفون
مالته على شحن ويعدل بشعره على مغسلة اتغيرت
كلامهن من الجوارين الـ اريام
_ يگولون اسبوع الجاي خطبتها خطية اريام تستاهل .
وهو عبالك ولا سمع طلع للمطعم واني تجاهلتهن
وصعدت رتبت الغرفة وعدلت الملابس ونزلت
كعدت بغرفة عمتي تعلمني خياط المخاديد
وعمي اخذ شهد وراحت للمدرسة ..

شهد ..

صعدت بسيارة ابوية عبر جــود دنگ راسه من الجامة
_ عندج فلوس .
_ اي عندي ألفين .
طلع خمسه من المحفظه اخذتها منه وشمرت بوسة بالهوا
ابوية شعل السيارة وطلعنا وهو رجع للشغل قربنا نوصل
ومثل كل يوم ومن اول مارجعت دُر من السفر هلّ مدگدگ
يبچي على كتل بالنعال يموت على قنادر خطية .

وصلت الباب المدرسة بست راس ابوية ونزلت من شفت
سارة صديقتي معلمة رياضة دخلنا اني وياها والجهال
كلها يكمزون اجت المعلمة واجت الست دگ الجرس
وصار الاصطفاف بقيت بصف شعبتي صف خامس
ابتدائي المدرسة أهلية بمنطقة راقية وحتى اطفالهم
مرتبين ومثقفين اهم شي الثقافة عدنا .

اخذتهم اول درس إسلامية واحاول اخليهم يحبوني
حتى يحبون درسي وما أتعذب والدرس الثاني والثالث عليه
بالرابع متعودين اني وزينب نطلع ناكل اخذت جنطنا
وطلعنا عبرت الشارع واسولف وياها على جدول
اخذنا اكل ودخلنا للمطعم اكلنا وشربنا عصاير
والمديرة خابرت علينه زينب من النوق القلقلة
عافتني بالحمامات اغسل وراحت قبّلي للمدرسة
مشيت بالشارع وقبل لا اعبر اتلفت وركضت
عبرت ومشيت بشارع المدرسة بس اريد أوصل
سيارات هواي واگفات واني مركزة بالطريق
ما احس غير بسيارة انفتحت وانسحبت بداخلها .

درت عيوني لگيت نفسي بالمقاعد الخلف
وايده تضغط على شفايفي بكل قوة
انبلع الساني اريد اصرخ ما اكدر اريد اتحرك
انشلت حركتي وجسمي يهتز من الخوف
وشخص دافع كل جسمي على باب حتى ما اقاوم
من شاف حالتي وعيوني تنگلب من الرهبة
ابتعد وظهر وجهه ويضربني على وجهي راشديات
خفيفة حتى اصحصح عيوني غوشت اريد افتحها
ثگلت ما احس غير بطل ماي وانفتح على وجهي
وصوت مقرف مو غريب عليه يردد اسمي
انــور : شهد تسمعيني شهد افتحي عيونچ .

فزيت الملم بنفسي واعدل بشالي وانزل بالفستان
درت وجهي وشفت اقذر بشر قابلته بلا تردد
وحتى بدون خوف ضربته على وجهه بوكس
وفريت روحي اريد إطلع ماينفتح الباب
لزمني من ايدي وايده الثا لازمة وجهه
_ افتح الباب شتريد مني ولك انت شبيك شبيك ؟
دورت على جنطتي فتحتها واني اصرخ
_ والله اخابر اخواني والله اخليهم يخبلوك اليوم .
سحب التلفون مني وجوني اكثر
انــور : لا تهددين ولا تصيحين مايفيد .
شهد : عوفني والله راح تخرب سمعتي .
انــور : اريد احجي وياج عندي حل ثاني ؟
شهد : انت حيوان ماتفتهم ما اريد احجي ويااااااك ولا اشوفك .
انــور : اي لعد لا تلوميني تجبريني استخدم هل اسلوب .
شهد : نزلني لا اموووووتك نزلني .
انــور : اذا تسمعيني واحجي وياج بدون صوت عالي تروحي .

ضربت على جام حيل بيدي حيل بس المنطقة سكنية
وهادئة بشكل حتى لو يموت احد ما يدرون بي
لطمت على وجهي وصرخت بعجز
_ الله يشوفني بيك يوم لك اذا ما اطلع خوفي هذا من عيونك
انت شنوووو شايف نفسك وكل يوم تخطف وتجبرني
احجي وياك يا غبي اكرررررهك ما اطيق اشوف وجهك .
ضرب باب السيارة بكُل قوته وصرخ صرخة خلاني انخرس
_ لااااااااااااااااا تكرهيني ليششششششش تكرهيني
صح خطفتچ بس جنت متعاطي ما ادري بروحي
ورجعتي اني جنت اكدر اكسرچ بس رجعتي سالمة
بفضلي اني ليششششش تكرهيني شهد ليشششش .

ضربته براشدي حتى يسكت مني وهو رفعي ودفعني على باب
لزمت ايدي وخليت الثانية على راسي وحاربت عيوني
حتى ماتنزل ادموعي مقابيل هل مدگدگ
_ رجعني ماعندي حجي وياك انت غاسله ايدي منك
دام ماعندك غيرة على اختك شلوو تصير عندك غيرة
على عرض العالم ودام تضرب اختك مو بعيدة تعذبني
لك انت قذر اجباري تنكره .
انــور : راح اصير زين جنت اخذ مخدرات بطلت
وعصبيتي جاي احاول اسيطر عليهه وحتى اريد
اقوي علاقتي بإخواني راح اصحح من نفسي .

لطمت على رجلي وراسي واصرخ فقدني اعصابي
_ واني شكوووووو طبك مررررض تتعالج
تشمشم مثل الجلب اخررررر همي اعرفك تعررررفني
حتى جاي تحجيلي نزلني افتح الباب لا افتح راسك افتحه .
_ تكدرين تنصحيني مثل ذاك اليوم من خطفتچ
كلامچ انطبع بعقلي أرجّع احجيلي انصحيني
اني بعمري كله ماكو بشر نصحني اهلي
طريقهم دمرني وراضين عادي عدهم وانا تعبت .

رجعت اضرب بالجام وسديت اذني ما اريد اسمع صوته
هزيت جسمي بخوف وعيوني على شارع التفتت بعد
وقت شفته صافن يراقبني بتمعن بس ملامحه ملامح
مجرم ما اكدر انقهر عليه ابد أحسه عصابچي
_ اتاخرت رجعني العباس عليك .
_ شهد .
_ وسممممممم لا تحجّي بأسمي سممممم سممممم .
_ راح تطلع البدلة حلوة عليچ .

نزلت جسم فاقدة حتى عقلي نزعت حذائي لزم ايدي هو يلزمني
واني اجتني قوة ما ادري منين ضربته على وجهه
لزم نص وجهه متأذي ويدفع بيدي بتك ايده القذره
_ راح تجبريني الزمچ امرعدچ تمرررررعد .
_ اتمرررررعد منوووو ولك عوف ايدي لااااا تلزمها .
دفعني دفعه واخذ ايدي الي بيها الحذاء ضربني بيها
على راسي وشمرها بالمقدمة وعض اصبعه

خليت ايدي على وجهي والوب بالسيارة
_ يابه وينك يابه تعال شوف هذا الخايس شيسوي بـ بنتك .
_ عمي ابوچ مربي زلمة مو بنية خلي يجي يشوف حالي .
_ الله لا يسامحك عسى حوبتي ما تتعداك .
_ بعدني مانسيت من دعيتي عليه قبل وحوبتچ
طلعت اتعذبت هواي وتبهذلت ضعف بهذلتي
اخاف من الدعاء لا تدعين .

عصرت قبق راسي يريد ينفجر من الهبطات
_ هسة ما خلصت نزلني دخيل ربك .
_ راح تسمعيني تنصحيني ؟
_ شكبرك تصير انصحك شنو جيره بفرگك .
_ اذا تبت وبعد ما اعيد أغلاطي رب العالمين يسامحني ؟

جريت نفس بنفاذ صبر وجاوبته بس اريد يخلص واطلع
_ دامك ندمان ومقرر بعد ماترجع للدرب الـ أعوج
فـ من تاب على ذنب كمن لا ذنب له واذا صححت من
نفسك اكثر وصرت تسوي اعمال خير حتى لو بسيطات
رب العالمين يبدل كل سيئة من سيئاتك بحسنة سبحانه
غفور رحيم بعبادة .

جريت الباب وضربته حيل حيل وصحت
_ يلة كافي نزلني بعد كلبي راح يوووووووكف .
_ كلشي مابيج بطلي عياره .
_ دخيلك ربي لك فهمني شبيككككككككك .
_ بعد لا تضربيني بالحذاء .
_ وين ما اشوفك اضربك بيها افهمها وخليها حلقة بأذنك
واليوم بس ارجع اخلي اخواني يلزموك دگ يحفرون
الگاع ويطيحون عليك كتل من هذا الثگيل اذا ما اخليهم
يخلوك تصحى على زمانك يا غبي .

رتب ملابسه ورفع روحه يشوف وجهه صار بي اثر لو لا
ورجع يحجي بكُل ثقه بنفسه
_ اذا ماتريدين تخافين نفس خوف اليوم
من اخابر لو أراسل جاوبيني .
_ انجب اني ما اخون ثقت اهلي وبعدين حرام
اذا بنية تحجي مع شخص كأن من يكن
وحلال اذا عدها موضوع كُلش مهم او مثلاً شغلهم مشترك
تريد اخلي رب العالمين يغضب عليهه بسببك .

سند ايده على خده وصافن بوجهي ومبتسم
على كل كلمة تطلع مني ومركز
انــور : اول مرة بحياتي التقي ببنيه هيج تفكر تدرين ؟
_ اي طبعاً حقك عصابچي اعتيادي اترافگ بس المشبوهات مثلك .
انــور : شهد .
_ وسممممممم .
_ عندي الحل .

عبر على كرسي السايق وشمر الحذاء شغل السيارة وتحرك
بيها واني تخبلت الي ماصار قبل راح يصيرررررر لا ياربي دخيلك
فقدت اصرخ الطم اضرب بي ما ادري تخبلت وهو يسوق سريع
بهتت من فات شارعنا وبلا خوف نزلني عبرت الشارع اتلفت
ما ادري شلون لزمت باب البيت وصلت للمطبخ واسمع
صوت أبوية ياخذ طريق ودفع باب الاستقبال
_ اتفضل ابني انــور اتفضل البيت ببتك .

ريمان وبتول مصدومات لان هذا مو وقتي
وزاد الشك عدهن من دخل هذا العار
امي بالغرفة وبس جدتي نايمة بالصالة عبرتها وصعدت
اركض والهث من الهبطة والخوف الصار بيه مو اكل صار سم
ياريتني مااااا طلعت يااااريت ما داومت اليووووم
دكيت غرفة در وفتحت الباب بسرعة الطم على وجهي
اجت تركض لزمتني وكعت بيدها بعد رجلي ما تحملني
_ دُر مصيبة دُر .
_ شهد شبيچ لچ احجي شكوووو شصاير ؟
عافتني وركضت فتحت الثلاجة طلعت بطل ماي
اخذته من ايدها وشربته كله ودموعي جرت
_ اخوچ دُر سحبني بالسيارة و..
حجيت الصارالها الصار وختمتها
_ وهسة جوة دُر اجه الهم وما اعرف شنو براسه عجزت افهم .

ضربت على وجهه واخذت التلفون اتصلت على ريــان
_ انت وينك ريــان وينك هذا انــور المخبل
بيت ابو حسن ما ادري شنووو براسه ساحل
البنية شهد بالسيارة وبعين صلفه دخل بيتهم .
_ هذا لو باقي على مخدرات احسن عود هم يفكر .

سد الخط ودُر اخذت التلفون ونزلت وهيَّ تتعثر
دفعت الباب وفاتت بعده انــور ينتظر الجاي
وابوية بالمطبخ امي تسأل بي على انــور ليش هنا
دُر : انت تخبلت شلون تسوي هيج بالبنية .
_ لا تجاوزين لا اخبزچ خبز .
_ شسوي هنا على شنو ناوي تريد تنكتل موو ؟
_ تروحين لا الغي الموضوع من راسي واستلم موضوعچ .

مشت للباب شافت ماكو احد ورجعت لزمته من ايده
_ الخاطر الله روح والله تعبتوني مشاكلكم
ماتخلص مو خلصت روحي .
_ لا تدخلين لچ بابا لا تدخلين .
فات عمي بيده صينية الجاي قدم وانور اخذه منه ويتصرف
بكُل برود ولا عبالك مسوي مصيبة بكبر راسه ابن الحيوانات
طلعت امي من المطبخ وشافتني لو عيونها صارت براسها
_ شعندچ هنا مو الدوام ماخلص ؟
_ يمه جنت بالدوام والقران و..
لزمتني من شالي وجرتني للغرفة سحل دفعتني ولطمت على وجهه
_ يمه شهد تربدين تنزلين راس ابوچ .
_ لا يمه اني تربيتكم بالقران يمه والقران هوه ما ادري منين طلع .
ملخت روحهااا واجت ملختني تملخ وياها
_ حاجيني شني عندچ وياه حاجيني ولچ هذا متربي
على ايد عصابات ولچ يقشمر عليچ والله يقشمر عليچ .

ضربتي على وجهي ملخت روحي واحجي بصوت ناصي
وحتى هيَّ تحجي بنفس مستوى الصوت حتى محد يسمع
_ جنت امشي وهو سحبني بالسيارة .
_ يا يمممممممههههه ولچ ياااا يمممممهههه .
_ يمه ما سوالي شي وداعتچ وداعت جــود
بس يحجي يريد يحجي وگتله اني ما انزل راس اهلي
وحرام احجي وياك واجه ما ادري شنو يريد يمه والله ماغلطت .
ضربتني على راسي وطلعت من سمعت اصوات عالية برا .

دُر ...

هو يحجي وعمي صح متعجب منه بس يسلك كلام وياه
وفتحوا موضوع عركة اهل ميثاق من انضرب علي الآكبر
بيها على راسه .
ابو حسن : وبنص گعدت الشيوخ ذكروك مدمي ولدهم
وطلبوا اسمك بس انا مارضيت لا عليك ولا على ريــان .
انــور : ليش ابو حسن انطي الغلط منهم مو من عدنا
يتهجمون على بيتنا ونسوان ويريدون نسكت اطيح حظهم .
ابو حسن : ميخالف بوية بعد بهل وكت تعبنا من المشاكل
انريد بس الموضوع ينسد وخلص الحمدلله على خير .
وهو يحجي واني اشر اريد بس يطلع ولا عبالك
يحجي بثقة مايدري اذا تصير مصيبة منو يخلصه منهم
كل حيلي بهت من دخل علي الآكبر واشوف ريــان
يمشي وراه وجود وراهم فات للاستقبال قلص عيوني مستغرب
علي الآكبر: هذا انت صدگ هنا .
انــور : اي حقيقي هههههههه .
ريــان : من البارحة گال يريد يشوف عمي ابو حسن
ويسلم عليه واجيت اخذه عدنا شغل .
كمل واشر ألّه برآسه ينبه بي حتى يطلع ولا يتورط .

انــور : بعدني عندي موضوع مهم اجيت احجي بي اني
وعني ابو حسن اگعد ريــان همزين اجت .
ريــان : مو وقتهاااااا امشي تعزم مو بيت الخلفووووووك .
ابو حسن : البيت بيتكم بوية ارتاحوا تنورونا .
فات على الآكبر يشاهد بشك مبتسم بتشنج ينتظر الزلة
اني هنا انتهيت وراحت عافيتي الوب وامرد بيدي واهز برجلي
اجه علي الآكبر بصفي وهو مركز بـ انــور لزم رجلي
حتى اوگف هز ومال راسه يشوف وجهي دمعت عيوني
من حسيت انــور خلص راح يجفص بيها ويخرب الاول والتالي
دُر : خليني بين عيونك اذا تضربهم معناها تضربني
الخاطري هل مرة الخاطري انت هدي الوضع .

قوس حاجبه وخنزر نظراته عرف اكو مصيبة
نزل راسه وجهه احتقن صار احمر وهو يضرب
على بجامه يسوي روحه ينظفها بس هوه ينتظر
انــور يحجي مصيبته ويشوف شغله وياه
حاط بعلي الاكبر سكون مخيف الى ان نطقها انــور
انــور : ابو حسن من اجيت خطبت دُر العلي الآكبر
اني اول واحد عارضت هل زواج وصارت مشاكل
واكيد كلنا نتذكرها، بس ابنك اصر على اختي واخذها
بدون موافقتنا وطلع يحبها ما ننكر ، اني اليوم اجيت
اطلب ايد بنتكم شهد على سنة الله ورسولة تنطوها .

لزم ريــان راسه واستعد للهجمات ، وعمي ابو حسن
يفر بعيونه بين جــود وبين علي الآكبر دفر جــود الطبلة
ورفع انــور من القميص وهو يصيح
_ دير بالك تعيدهاااااااا اطلع بررررا اطلع .
ابو حسن : جووووووود لا تتصرف من راسك انا موجود .
جــود : سمعت كلامه انت سمعت .
عبرهم على الآكبر شال ايد جــود من انــور وبنبرة تحذير طلب منه .
_ انطيك فرصة أتراجع نفسك وتخلص جسمك من الضرب
وتحترم روحك وتطلع باحترامك من البيت احسن ما اطلعك دفرات .

انــور : ابو حسن انا داخل بيتك ودايس بساطكم
وطلبت منك بنتك بكل احترام اجيت من الباب
وبتفاهم احجي وياكم وشنو تأمرني اني جاهز
بيت وحدها وشغلها تستمر بي وبعد شنو براسك
واذا بنتك تريد شي تدللون .
علي الآكبر: انوووووور حذرتك اطلع خليها تعدي على خير
اطلع امشي عاى رجلك لااااا اكسرررررهن والله اطلع .
انــور : ها ابو حسن انتظر جوابك .
رفع علي الآكبر ايده وغم انــور غمه گعده وزن على تخم
_ خاب ولكم من كون غمه تغمك غم يا اغم على هل دگه الغمه .

وگف ريــان بالنص بين علي الآكبر وانور وثبت علي الآكبر من ايده
_ علي الآكبر غلطان اخوية غلطان وحقكم علينه
وبعد ما تتكرر لا تسوي شي بغلات العشرة .
علي الآكبر: اخذه يلة اخذه وووووووخلي يروح من وجهي .
وجود يريد يهجم وعلي الاكبر دفعه وصاح
_ انتظر جــود انتظرررررر .
_ لك عيونه صلفه يطلبها ابووووو شمه .
ابو حسن : صوووووووتكم علي الآكبر اخذ اخوك واطلع .
علي الآكبر: شنوووووووو ؟
_ اطلع لا اطلعكم بطريقتي اطلع .

طلع علي الآكبر باب الاستقبال وياه جــود رجع عمي بمكانة
واشر على ريــان حتى يرجع يگعد راح ريــان بمكانه
وعمي شرب من الجاي وتحمحم
ابو حسن : بالبداية الله بالخير عليكم .
ردوا اثنينهم على عمي وهوه كمل
_ شوف ابني جيتك على عيني وعلى راسي
بس لا تقارن روحك بولدي لان علي الآكبر من اتعارك
على دُر يحبها ورادها وقبلها بكم سنة هو سولف بيها وانا ما رضيت
من شفت صدك يحبها انا سندت ظهره واخذها وما متندم
شكد صارت مشاكل وخسرنا هواي بس مرتاح لان ادري ابني مرتاح .

ريــان : ونعم منكم عمي ابو حسن بس .
ابو حسن : انتظر ابني انتظر انت اسمعني كلامي لأخوك
انــور انت طلبت بنتي عناد بعلي الآكبر تريد تسوي
مثله شغل مزامط ، بسسسسسس اسمع طلبت عزيزتي
حجيت بيها تريد تنزل راسهااااا .
انــور : رايدها لا انزل راسها ولا راسكم
عجبتني تربيتنها واخلاقها وصار موقف وياها مو حلو
ومن يومها فكرت بيها واجت طلبتها منك خلي سالفة
عناد وانتقام وحده بوحده على صفحة .

ابو حسن : بنتي لو تظل اخر واحد بالكرة الأرضية انت
ما انطيها واخليها يمي تربيتك غير عن تربيتها .
انــور : شبيها تربيتي شنو هذا الحجي ابو حسن عيب عليك والله .

ابو حسن : وانا ما ازوج بنتي الواحد واشم لان
الله سبحانه لعن الواشم والموشوم .
انــور : شنو بنتك راح تتزوجني لو تتزوج الوشم هذا هم سبب .
ابو حسن : اي يعني انت ما ملتزم بدين الإسلام وبنتي
ماتزمة صوم وصلاة الحمدلله .
انــور : مووو سبب هذا مو سبب .

ابو حسن : خلي هل كم سبب على صفحة وتعال فكّر ويايه
اذا يطلعون اهلك من السجن ويشوفون ابنهم متزوج
بنية مو من مستواهم وانت تعرف اهلك مو طيروها
خطيبة اخوك يعني بنتي تصير حالها حال خطيبة اخوك
ونتوقع اسوء منهم لان شهد اخت عدوهم علي الآكبر .
انــور : عادي اخذها واسافر .

ابو حسن : هههههه بنتي بمحافظة غير محافظتنا ما ازوجها
تريد تسفرها شنو مخبل عاقل لك بابا .
انــور : والحل ؟
ابو حسن : انت مو على صلح بإخوانها شلون تتزوجها
تخلصوها مشاكل ومن تتعاركون بنتي توگع بيها
يا تحرمها من اهلها يا اما من تتعاركون تضربها
وعلى هل منوال ليش ندخل بدوخة الراس ماكو حل
انــور : ما اتحرك مناااا اذا ما تنطيني حل .
ابو حسن : الحل انت مرفوض ماعندي بنات للزواج
وتعوف بنتي للموت لا تفكر بيها وروح شوف بنت تناسبك
واذا تريد انا اروح وياك واخطبها الك بس بنتي من راسك تمسحها .

وگف انــور وجهه محتقن يرجف رفع اصبعه وبتحذير صاح
_ اسبابك مادخلت عقلي وبنتك اخذها اخذها لان اني
اريدها على سنة الله ورسولة مو لعب مثل تفكيركم .
ابو حسن : ريــان ابني تاخذ اخوك لو اخلي ولدي يشوفون شغلهم .
لزمه ريــان انــور سحب ايده ومايقبل يطلع وريان تخبل
يحجي ويقنع ولا عبالك وياه مثبت نظراته على عمي .

رجع حسن ودخل هو وعز الدين وياهم علي الآكبر وجود
حسن : كلام جــود صح ؟
ابو حسن : اي وهذا يبس راسه .
راح حسن لزم القميص دفعها انــور وصاح
_ اي تجاوزوا اكثر هاي وعلى اساس انتوا شيوخ ولد شيوخ .
عز الدين : والشيوخ ما يناسبون امثالك يلة منا اتوكل .
اجه حسن لزمني من معصم ايدي ويحجي بهدوء
_ خوية دُر فوتي جوة بلا زحمة عليچ .
دُر : بداعت جهالك لا تضربه هسة يطلع ريــان اخذه شبيك .

ادري بيهم بس اطلع يضربوهم بس محترمين وجودي
مايريدون يضربون ويهينون اخواني مقابيلي
اجاني عمي ابو حسن لزمني من ظهري ويريد يطلعني
فرفحت روحي بجيت من الخوف واني اناشغ احجي
_ بس لا تتعاركون عمو بس احجي وياك انتظر الله يخليك .

واني اتوسل بعمي انسحبت من ايدي
وحضني علي الآكبر وهو يصيح بإخوانه
_ كااااااافي ايدك حسن ، جوووود مو احجي وياك .
ونزل راسه بمستواه طولي مسح دموعي وهو يطمني
_ ماكو شي بوية دُر لا تبجين .

دفع انــور جــود وطلع وريان وراه يغلط عليه
اخوان علي كلهم طلعوا وعلي الآكبر گعدني
سحب گلاص ماي شربت واني احاول احجي
_ عرفوا حباب الله يخليك .
_ راح والقران راح .
_ روح شوفهم طلعوا وراهم .
_ بس لا تبجين .
_ اي والله هاي مسحت عيوني .

مسح على راسي بحنينه وطلع مستعجل وعمي وياه

انفتح الباب ودخلت عمتي وجهه ما ادري شبي عبالك مضروب
_ تعالي للغرفة دُر .
مشيت وراها فتحت الباب وشفت شهد لا ملابس لا وجهه
اخذتها بحضني امسح بوجهه وهيَّ تناشغ
شهد : مو اجت حجيت الچ دُر فهمي امي ماتقبل تصدگني .
دُر : عمه الغلط غلط اخوية مو غلطها .
ام حسن : اذا هسة ما مسوي شي زين منو يضمن بعدين ماينزل راسنا .
دُر : الوحيد انــور ما اضمنه لان اني اخته ما افتهم تفكيره .
ام حسن : اذا اخوانها يدرون بيها يموتوها ويموتون هل مدگدگ .
دُر : كلشي ولا اخوانها والله يصيرون مذابح خلي
الموضوع عندي اني اخابر ريــان هو يگدر يتصرف وياه .
ام حسن : اخوچ ما ناوي على خير دُر .

عافتنا وطلعت ساعدت شهد بدلت وتسولف شلون جانت
طالعه وهوه سحبها للسيارة ، بقيت يمها للظهر صعدت
خابرت على ريــان جاوبني عصبي ويصيح .
_ هاااي حُــرة مصيبة ونزلت على راسي .
_ شبيها يا ستار ؟
_ لچ شردت من البيت وين ادورها هسة اني .
_ عصبي لان حُــرة طلعت من البيت ؟
_ بالله هاي شنووو يمكن هيَّ .

ذبيت التلفون عبالك مضروبة على وجهي وعيوني
ترمش وحدها نزلت دموعي وجسمي يهتز رجع خابرني جاوبته
_ ها ريــان .
_ جانت بالسوبر ماركت تشتري .
_ خطية بعدها صغيرة عفية دير بالك عليهه .
_ هيَّ ام السان تتعارك هي وانور ولو ما اني اخلصها
من ايده يموتها انتِ تعرفي هذا انــور ايده والضرب .
_ هههههه اني الي اعرفه جان يضربني واريد واحد
يخلصني منه ماكوووو اذكرك اذا نسيت شلون جنت
اضرب بابك استنجد بيك وانت تگلي تعودي احمي نفسچ .

ريــان : دُر جنت .
_ لا تبرر ماكو داعي آني فرحانة لان بديتوا تتغيرون
شهگت وبجيت بصوت مسموع وكملت كلامي
_ انــور يركض على شهد وما يحجي وياها وهيَّ تضربه
بالقندرة اني جنت اتوسل بي يجي ياكل يموتني من الضرررب
وانت بدون مقدمات اتغيرت وصرت تضحك وتحمي بحرة
يمكن الخلل مني مو منكم .
_ اسف متندم والله ردت تصيرين قوية جنت بصدمة دُر
وانور المخدرات اثرت على عقله .
_ لا تبرر التبرير يموتني لا تبرر دخيلك .

سديت الخط وركضت للحمام اغسل بوجهي
واضرب المي بوجهي وايدي حيل
مايستاهلون انقهر عليهم وحرامات تنزل دموعي عليهم
اختهم اني اختهم هملوني بس من شافوا نسوان على مرامهم اتغيروا .

رجعت للغرفة دخت من البجي تعبت من التفكير نمت
حسيت بوسات تنطبع على خدي فتحت عيوني مبتسمه
_ نايمة بنيتي .
_ وين جنت .
_ عندي طلبية .
_ خلصتها ؟
_ اي ، اكلتي .
_ نفسي مسدوده .
_ وضع الاكل عندچ مايطمن من الصبح اكلنا وبعد غلستي .
_ هههههه شبعانة مشاكل .

بعده يقنع بيَّ اكل ورن تلفونه
_ منو ؟
_ ريــان ..
باوعت على ساعة بـ11 بليل جاوبه اسمع صوت ريــان
عالي ويحجي سريع علي الآكبر عدل نفسه وعيونه فاتحها
_ ريــان متأكد من كلامك لو مثل كُل مرة .
_ لك علي الآكبر امهاا خابرتني وسمعت صوتها
حجت ويايه "رنيم " عايشة رجعت رجعتلي .

علي الآكبر: لا تروح وحدك تعال مر عليه اروح وياك .
ريــان : دقايق ويمك .
علي الآكبر: لا تسوق سريع .
سد الخط واستدار متعجب
دُر : شصاير ؟
_ خطيبته رجعت ، وهسة نروح نتأكد .
_ اجي وياكم .
_ ليش سالمين .
_ الي اعرفه ابوهم متوفي وبس نسوان بالبيت
تريد تروح البيت بس نسوان وانتوا زلم وحدكم
شنووو ماعندي غيره ها برايك انت برأيك ماعندي غيره ؟

سحبني من ايدي باس رگبتي وجاوبني بلطف
_ عندج واحبها والله احبها بدلي وتعالي .
نزل قبلي واني ركض بدلت وشمرت شال على راسي ونزلت مستعجلة
شفت اهله بعدهم گاعدين وكلهم عيونهم عليَّ ارتبكت وصحت
_ علي الآكبر .
درت وجهي على مطبخ يلبس بالحذاء
وبدون مايحس على نفسه جاوبني
_ روحه العلي الآكبر .

جــود من سمع الجواب ذب الجاي وراح للمطبخ
سحب بطل القاصر وذب على ايده
_ اغسل ايدي بقاصر بعد من علي الآكبر .
ابو حسن : الناس تحجي اغسل ايدي بصابون وماي منك
اغسل ايدي بقاصر منك اله هل جــود ما يحجي يطبق .

اريد اطلع واعترض طريقي
_ اخذتي مني جنت 24 ساعة وياه .
_ انت ضرتي شعليك بي اووييي روح منا .
_ اذا ما اخذه منچ .
_ شيت اب جوووووود .
غمض عيونه ومال راسه وفتح طريق
_ شيت اب اني وكل اهلي وحگ علي روحي عيوني
روحي لو هيج المثقفين يا بلاااااااهاااااااا .

ضحكت على حركاته وطلعت وعلي الآكبر غمه من بعيد
وهوه رجع بصف عمي يتوسل بي حتى يتزوج
طلعنا وريان ينتظر بالباب صعدنا اشوف ريــان مرتبك
خايف ويرجف طبطب علي الآكبر على كتفه يطمن بي
وصلنا المنطقة نوعاً ما تعبانة نزلنا مقابيل باب صغير
وبيت عبارة عن باب واحد واكف ولد صغير سلم ريــان
عليَّ هو وعلي الآكبر ومبين يعرفهم وفات يركض ينطيهم خبر

طلعت ام رنيم بوستها وسلمت عليهم ودخلتنا
بينهم ممر ومطبخ تعبان وغرفة داخلية گعدنا بيها
وام رنيم راحت دقايق ودخلت نفس البنية الي اشوفها بالصور
نفس جمالها وحشمتها ونزاكتها من شافت ريــان بجت
وامها حاضنتها ريــان صافن بيها وعيونه لمعت
قابض على ايده يصبر بروحه مايروح يحضنها .

مشيت الها حضنتها وگعدتها بصفي وبقت لازمه ايدي
ايدها صايرة ثلج ورجلها ترجف من ريــان حالته تبجي
مصدوم على مقهور على ما مفتهم نفسه وعنده اسأله
بعد فترة امها صارت تسولف هي وعلي الآكبر
ام رنيم : اعذرني يمه ريــان بس هذا يوسف حسبي الله ونعم الوكيل
بي هو واخوانه زوجوها واخد من اهل الريف لا يفتهم عليهه
ولا هيَّ وكل شهر يدزون اله مبلغ مو شوية وهاي
صار فترة ما يدفع ورجعها هذا الفلاح وطلگها انتظرت
أتخلص العدة وخابرتك ابلغك ادري بيك تنتظر .

ريــان : ام رنيم اريد احجي اني وياها وحدنا اذا مابيها ازعاج .
وافقت امها طلع ريــان ورنين راحت وراه بقت امها تسولف
شلون رجعت تعبانة وتسولف على اهل الولد عدهم اذا
تگعد بـ7 دنيا الظهر وابو الولد متزوج اثنين عدهم
هوسة بالبيت تشتغل الهم خدامة ويضربون بيها
قاطع كلامه من رجع بس رنيم ما رجعت بعد
ريــان : ام رنيم اني حجيت وياها وفهمتها وضعي
وطلبت نتزوج بهذا الأسبوع .

وكفت رنيم بالباب وبعيونها دموع
_ ماما ريــان متزوج .
فتحت امها عيونها ودارت على ريــان
_ صح هذا الكلام .
ريــان : اي نعم بس زواج على ورق والبنية بنت عمي .
رنيم : واني وافقت على زواجنا بس بشرط
يطلگها اني ما اتحمل فكرة اكو بنية ثانيك بحياتك .

نهضت من مكاني افر براسي متعجبة على طلبها
هاي بيوم واحد وبساعة وبدت تتشرط
دُر : طلاگ ريــان اطلگ حُــرة البنية صغيرة ماعدها غيرنا .
ام رنيم : يااا يمه وصغيرة انوب ؟

دُر : ريان فدوة تتبهذل حرة اذا تعوفها
وهذولي اخوانها من يعرفون صارت مطلقة ياخذوها .
رنيم : اني هذا شرطي الوحيد حتى لو متزوجها
على ورق ما اتقبل الفكرة اكو طرف ثالث موجود
بحياتنا ريــان الخاطري فكر بالموضوع .

يتبع ...

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..

.#بارت٢٦


واحس بروحي مشتاكـة
اجي اشكيلك وتشكيلي..


دُر : ريان فدوة تتبهذل حرة اذا تعوفها
وهذولي اخوانها من يعرفون صارت مطلقة ياخذوها .
رنيم : اني هذا شرطي الوحيد حتى لو متزوجها
على ورق ما اتقبل الفكرة اكو طرف ثالث موجود
بحياتنا ريــان الخاطري فكر بالموضوع .

دُر : حبيبتي رنيم شبيچ شنو الخاطرچ يفكر البنية بعدها
طفلة تروح بالرجلين والله بس يطلگ قابل هيَّ شنو تأثيرها عليكم .
رنيم : يعني انتِ تقبلين تتزوجين شخص متزوج وهل شخص حب حياتچ
اني لان حبيته تعذبت السنوات الفاتت ولأن احبه رجعت
فرحتي انكسرت من عرفته تزوج عفية والله الموضوع صعب .

علي الآكبر لزمني من ايدي يريدني اسكت وانتظر ريــان
التفتت على ريــان طلع تلفونه ما اعرف شنو يسوي
دقايق وكف وهو يأشر بيده وجهه محتقن مبين عصبي
_ يلة علاوي نتوكل احنا .
ام رنيم : وراح تعوفها مكسورة خاطر .
ريــان : اني ما اعوفها وهيَّ تدري سنين انتظرها
واني الممنون ما امنن عليهه لان اختاريتها وكلها تعرف
بحبي الرنيم ومقدر الصار بيها هي تعذبت وانا اكثر .

لزمتها امها من ايدها وخلتها بحضنها
ام رنيم : چا اذا تحبها لا تكسر خاطرها .
ريــان : خالتي يعني انا اجبر خاطر رنيم واشمر طفلة
بنص الموت ؟ البنية زواجي منها على ورق معتبرها
حالها حال دُر وراح تبلش تدرس لا بحالي ولا يمي
لا تتحججون بيها دخيل الله .
ام رنيم : نتحجج ؟
ريــان : لو صدك تريدني ما تتشرط وتصدگني
من احجي وتعذرني أنا طلاك صعب اطلگ كلش صعب
ابني سعادتي على حساب حياة طفلة ما عدها احد غيري
تحتمي بي وادري اذا طلعت من عصمتي ياكلوها اكل بسنونهم .

فرت راسها ام رنيم وتمسح على ظهر بتها
تريد تحسس ريــان بالذنب على دموعها
_ اي براحتك يمه بعد هاي اكثر من مرة تريدون
تتزوجون وتوصل للحلگ وتخرب يمكن ماكو قسمة
كلشي قسمة ونصيب .

هي تحجي وريان عيونه على رنيم ويطحل بروحه طحل
يريدها يحبها يرجف عليهه بس والله طلبها صعب
سلمنا وطلعنا منهم وجوهنا ما تتفسر صعدنا بالسيارة
لدقايق الصمت سيد المكان والهدوء يسيطر على جو
قرر علي الآكبر يكسر هل سكوت من حجه بنبرة شك
_ ريــان .
_ ها علي الآكبر .
_ انت تعرف شكد احب امها .
_ وساعدناها هواي .
_ بس اليوم گلبي نغزني منها جانت مكسورة
من رجعت بتها انگلبت شنو الوجبة ؟
_ حظي الحلو شبيك هذا حظي .

دُر : لا ترجعني للبيت عفية علي الاكبر اريد اروح اشوف حُــرة .
_ ماشي ريــان على بيتك نروح .
_ هلا بيكم .
فر السيارة على طريق البيت مالته وشغل وسحب
باكيت الجگاير وقدم العلي الآكبر اخذ وحده وشغلها العلي
وهو اخذ الثانية فتح جام السيارة يذبون الدخان برا
بقيت متعجبة من علي الاكبر مسح على لحيته وحجه
_ ريــان طلك بنت عمك اذا زواجك منها على ورق
واخلي جــود يتزوجها ، وهيج تنحلّ مشكلتكم .

ثبت ريــان نظراته على علي الآكبر مخنزر
اشر على شارع وصاح بي
_ الشارع يمعود راح نسوي حادث .
ريــان : يالعباس بيك بوكس اخرب معالم وجهك بي .
_ هههههههه لك غير احل مشكلتك .
_ حـرة مو مشكلتي بالعكس ، بعدين بنظرك اني
مگرن اطلك بنت عمي وزوجها اخوك .
_ لا حشاك .
_ يا حشاني فگست بالسالفة انت ، شلون فكرت بيها بربك .

ذب الجگارة من الشباك وصف السيارة مقابيل الباب
شفت الساعة بـ1 بليل نزلت البيت مابي صوت ابد
دخلت غرفتها شفتها نايمة مشيت يمها غطيتها
دخل ريــان ويايه رفعت ايدها عدلتها وركزت بملامحها
دُر : حلفتك بالله لا تخليها ترجع العذاب بيت الرياش
والله ضربهم وكلامهم ماينسي هذولي كسرونا
وكسروها حُــرة ضحية البيت الرياش .
ريــان : بدون حلفان كسرتها مثل كسرتي واكبر
بعدها طفلة اني ما انطي طفلة البيت الرياش لا تخافين .

اريد اروح لزمت حُــرة ايدي
دُر : روح شوف علي الآكبر ريــان شوية واجي وراك .
هو طلع وفتحت حُــرة عيونها صايرة دم حضنتني وتهمس بخوف
_ دُر خطيبة ريــان عايشة ورجعت اسمها رنيم .
_ ادري وجنت عدهم وشفتها .
_ شكد عيب اذا تدري بي متزوج .
_ تدري .
_ يااا هسة تعتبرني طرف ثالث خطية .
_ انتِ لا تفكرين ركزي بحياتج .

_ باجر اول يوم دوام عندي بالمدرسة .
_ والله ؟
_ ريــان رجعني وشوفي شنو اشترالي .
شوفتني ملابسها والجنطة يخبلن نازكات مثلها
_ عفية عليچ كملي دراستچ لا تعتمدين على احد ابد .
_ ادعيلي .
_ ماعندي غيركم ادعيلكم كلكم والله .

سمعت صوت انــور هو وعلي الآكبر طالع
بوستها وطلعت مستعجلة فتت على مطبخ

كاعدين على ميز الطعام واحد يجادل بالثاني
من دخلت غيروا الموجه ونهض علي الآكبر
_ يلة ريــان رجعنا .
بعدنا ما طالعين وتلفون ريــان رن فتح خط بلهفة
_ الو ، هلو رنيم ، اي اسمع احجي ، زين ، شنو
علي صوتچ حتى اسمع ، اي افتهم لا تبجين هاي هيَّ
باجر اجي ونتفاهم على كلشي مع السلامة .

دُر : شكو .
ريــان : وافقت على زواجنا .
انــور : زواج منو ؟
علي الآكبر: انت نام معليك هههههه ، الف مبروك خوية .
ريــان : الله يبارك بيك .

دفع انــور الكرسي وراح على علي الآكبر لزمه من
التيشيرت وهزه وهو فاير من العصبية
انــور : انت مشتاق تجرب ضربي
اذا نسيت اذكرك ايدي اثگل منهاااااا ماكو .
علي الآكبر: نزل ايدك لا افجرك .
انــور : قبل انت تفجر بالمولوتوف بس هسة صار الدور دوري .
علي الآكبر: رجفتني كافي ارحمني .

ادخل ريــان بيناتهم يفاكك بيهم
انــور : امدك يعاااار يجي يوم وادوسك بالقندرة .
علي الآكبر: القنادر انت تنضرب بيهم مو تضرب بيهن ههههه .
انــور : من كون الله يحذفكم .
علي الآكبر: لا نحتاج هيلب جووووووود ههههههههههه
يحذفنا شني هههههههههه دعوة مثقفين هاي لو شنو الوجبة
طيح الله حظك يحذفكم ولك تطبيقات ويحذف شمه بعد ماعليك عتب .

ريــان : غير يطلع ويبطل يجادل .
علي الآكبر: اوكف خليني اعرف بينا ضمان استرجاع لو لا ؟
ريــان : عجيب .
دُر : علي امشي نعسانة .
علي الآكبر: اجيت بوية وانا تعبت من الضحك اخوج يضحكني .

صعدنا للسيارة رجعنا للبيت البوب مقفولة دگ
على جــود نزل بسرعة فتحهن من دخلنا لزم
علي الآكبر وهو يمشي عبر ايده على اكتافه
يريد يقهرني عود الحقير
جــود : حب اليوم تنام بغرفتي ؟
علي الآكبر: شسوي يمك الخايس .

جــود : عمرت نرگيلة وحلويات حبشكلات ونسهر حبيبي .
دُر : حبيبي ؟ حبتك وحده تشبه ميثاق .
جــود : لا كلشي ولا الشرف وجمال مرتي .
دُر : علي الآكبر هيلب بليززززززز .

دفع علي الآكبر ايد جــود واجه لزم ايدي وصعدنا نمشي
على درج مثل الملوك إني فتحه ايدي وعلي الآكبر
لازم ايدي والثانية ورا ظهره خلاها
جــود : شووووووووواربچ هيلب يا سنيك .
دُر : شيت اب جووووود .

جــود : حسبي الله عليك يا علي الآكبر من دخلت
المثقفين الحياتي جنت عايش مرتاح قابل زوجتي
تحجي مثل ميثاق تزوج مثقفة وتعذب حالي .
علي الآكبر: مثل ما گالت شيت اب يا خايس اخذ مكان ميثاق .

دخلت للغرفة غيرت ملابسي بشي خفيف وعلي الآكبر
نايم قبلي يقلب بالتلفون اجيت يمه عايفني سحبت
التلفون من ايده وخليته على جهتي
_ علي الآكبر .
_ روحه لعلي الآكبر .
_ اريد انام بدون تفكير .
_ بالخدمة .

سحبني على صدره وغلغل اصابع ايده بين خصلات شعري
يسرح بيهن ويعدلهم فتح الظفيره بيده بكُل هدوء ونزل على اذني
_ احبچ دُر .
بدون احساس جاوبته
_ ودُر أتحب علي الآكبر .
طوق خصري وسحبني اكثر على جسمه وهو يهمس
_ اهيم وادوخ بتفاصيلچ دُر .

غمضت عيوني وكان كل تعبي انزاح مني وغفيت براحه
وعلي الآكبر ما عافني كُل ما افز بعدني بحضنه نايمة
للصبح حسيت بي يغطيني وباس راسي ونزل جوة
شلت البطانية وگعدت سحبت تلفوني واتصلت على ريــان
_ الو صباح الخير ريــان .
_ صباح النور دُر .
_ حُــرة راحت للمدرسة .
_ لا دوامها ظهري حالياً مفعله زر الإزعاج الصباحي .
_ شبيها ؟
_ تغني بصوتها الـ .
حُــرة : اي شبي صوتي .
_ اهووووو عمي حلو بس روحي كملي .

دُر : ههههههههه تستاهل مبين من الصبح
متعاركين الحد ما واصل مرحلة تگول حلو .
ريــان : انتِ وياهااا ؟
_ اي والله خليها ادوخ بيكم .
ريــان : دُر ..
_ اني ما ادخل انتوا حيّروا بنفسكم .

سديت الخط واني اضحك مديت جسمي طگطگ
وبدلت ملابسي رحت غسلت وجهي ونزلت
لكيت علي الآكبر يتريك سحب كرسي
فزت ريمان من الصوت كعدت قريب منه
وهيَّ رجعت تغسل مواعين الريوك مالتهم
سوالي لفه اخذتها من ايده اكلت منها شوية
ورحت صبيت جاي ورجعت اكمل بيها
بس كملتها سوالي الثانية من تأكد اكلتها
راح غسل وقبل لا يطلع حاجاني
_ دُر .
جاوبته واني اشرب جاي
_ ها علي .
طگطگ رگبته وجاوبني مستعجل
_ عندي طلبية فد ساعتين تلاثة تكمل واجه
نروح اني وياج انظف البيت حتى ناخذ الغرفة نشدها هناك .
_ انتظرك .

اخذت الصينية غسلت المواعين وتعلمت من اخلص
المواعين اجلف الطباخ صح مو كلش زين بس احاول
بمرور الوقت اتعلم اكثر ، صعدت لملمت ملابسنا
بالجنط كُلهن وشهد صعدت يمي ما داومت اليوم
ساعدتني بلم الأغراض بس ماحجت بموضوع
انــور ابد بس كملت رجع علي الآكبر ردت اخذ
الماسحة والمنظفات ماقبل لان مشتري بالبيت

طلعت من الكراج مشيت بالممر بعدني ما شايفته
طلع المفاتيح فتح الباب اول ما ادخل صالة ارضيتها
مرمر ابيض والحايط لون ابيض ومن دخلت
مطبخ صغير وبصف المطبخ الخدمات
شفتهم وفتحت باب دخلني على غرفة النوم
كل البيت مترب ويحتاج تنظيف نزعت دشداشتي
وبقيت بتراك خفيف حتى اخذ راحتي
سحبني من خصري صار ظهري عليه وهمس بأذني
علي الآكبر : حلو ؟
دُر :عجبني .
_ بس صغير .
_ جربت البيت الجبير وتعذبت بي هواي وجان بارد
اريد دفو البيت الصغير واعيش بأمان يمك .
_ راح اعوضچ على كل يوم بارد مر بحياتچ دُر بوية .

بديت اني وياه نغسل من الغرفة وهو ينظف اكثر مني لان
اني كلشي ماعرف مقابيل نظافة علي الآكبر صفر دُر
هو ينظف واني اوسخ اخر شي تعب مني سلمني الصوندة
وخلاني بس ارش وهو يجر بالتراب والزاهي والمنظفات
ويضحك عليه وصلنا للممر اخذ الصوندة مني واشر بيده
_ ارجعي للبيت اخذج الواهس طالعة تركضين بهذا الهفاف .
_ هفاف .
_ اي ملابسج خفيفة امشي .
_ بعد احسن .
_ هسة اصيح انــور ينظف ويايه .
_ غير ينسى انــور .
_ الله يحذفه ههههههههههه .

رفعت حاجبي ورجعت للبيت اسمع صوت جــود ينظف وياه
لبست دشداشتي وطلعت مندمج ويضحكون فاصلين
علي الآكبر يرش وجود يمسح وما ادري شنو يحجي جــود
وعلي الآكبر كل شوية يبلل بي بالصوندة ويظل يگمز
دُر :عشاق عيني الحارة باردة عليكم .
جــود : اهوووووو هم ادخلت بيناتنا .
_ عوف زوجي بحالة .
_ زوجج يحبني هو خابرني يريد
يتونس يريد يضحك ما يتونس بس ويايه .
دُر : علي الآكبر صدك أنت خابرته؟
علي الآكبر: اي .
دُر : تتونس وياه .
علي الآكبر: لا أكرب عليه مثل ما كربتي عليه .
دُر : سمعت لو ما سمعت جــود سنيك .
جــود : سنيك موو؟
دُر : اي سنيك يعني افعى انت أفعى ملتوية .

ذب الماسحة عاط بي علي الآكبر رجع يمسح
واني رجعت للبيت اضحك عليه واشيل بالمنظفات
من كملوا دخلوا اخشاب غرفتنا يشدون بيها
بعدهم يشتغلون وعمي فات علينة هو وعمتي
صاحوا على جــود وعلي الآكبر ودخلوا الكاونتر
والطباخ هدية منهم بس رتبوهن صار المطبخ
ململم يجنن والألوان متناسقة مريحة للعين
بعدهم يرتبون بالغرفة ودخل حسن هو وسراج
يدخلون بالتخم وسراج مشتري التلفزيون
وعز الدين جهز كهربائيات البيت كُلهم ايدهم
بـ ايد علي الآكبر يموتون عليه لان بكُلشي
يفزع الهم ويستمع للمشاكل اذا تصير وياهم
وهو يسعي ويحلها ويدخل حتى يصغرها
بحيث مايقبلون حتى يشكرهم ، ويعاملوني
مثل شهد اختهم وبعد احسن من اشوفهم
واسمع كلامهم وتعاملهم ويايه كلبي يرفرف
من الفرح وحبيتهم وصاروا بمعزة علي الآكبر .

بس صار اليل هلكت گعدت وعمتي اجت بيدها
صينية وشهد بيدها صينية گلاصات جاي ودخلوا كلهم
ام حسن : اليوم نتعشى عدكم تقبلون ؟
دُر : هلا بيچ عمه البيت بيتكم تعالي هناا .
فات عمي باس راسي وگعدني بصفه

وعلي الآكبر طلع من الحمام متعجب منهم بدل واجه يضحك
_ ها اليوم هنا ؟
ابو حسن : اول ولد من ولدي يعزل اريد اجرب
شعور اروح البيت ولدي .
شهد : الله بابا والله شعور حلو طلعهم كلهم ببيوت
حتى كل يوم بيت واحد نروح ناكل .
ام حسن : يوم المنى ويستقرون ببيوت .
ابو حسن : غير يلمون روحهم ويشترون شنو بيدي عليهم .
وهمَّ يحجون بالموضوع وياكلون وعمي كل شوية يريد
يوصي علي الآكبر عليَّ وعلى بيت ويضحك
_ ماتحتاج انت اوصيك ابو جبل بعد گول وفعل .
علي الآكبر: لا توصيني علي ام جبل .
دُر : جبل حصاروست لو جبر حراء ؟

لزمني من معصم ايدي وسحبني من عمي
_ لا تحششين على اسم ابني .
_ ما شنو ام جبل خلّصت الاسماء ؟
_ انا قبل لا اتزوج كُلها تعرفني ابو جبل .
_ اي من يجي الطفل عود ويعرفون اسمه الجديد يسقط اسم جبل .
_ اي وشنو تحبين ست دُر ؟
_ فكر لا نستعجل شبيك يا عيني .
_ هسة خلي يجي وحگ العباس اسمي جبل .
_ شوف عمووو شلون يحلف .

شالت عمتي الصينية وشهد وياها وعمي
ابو حسن : بنيتي استخدمي سيطرة ماما دُر .
دُر : ماكو غير حل ههههههه .
طلعوا بعده علي الآكبر يريد يسد الباب ورن تلفونه
سد الباب وطلع بس سمعت يگول الو ريــان اي اسمعك .

بالساعة وهوه يسولف بقيت بقلق يروح ويرجع بالممر
ويصير عصبي وبعدين يلين ردت اطلع خجلت
دخلت للحمام سبحت وطلعت وبعدهم يحجون
سرحت شعري واخذت علبة المكياج فتحتها ودخل علي الآكبر
ذب روحه على السرير وصاح من التعب رفع المخدة استند
عليهه ورفع جسمه كتف ايده وصفن بتحركاتي
دُر : شنو يريد ريــان ؟
تحمحم محتار شنو يحجي عدل حاجبة بقلق وجاوبني
_ باجر يعقد عقد سيد على رنيم ويسافرون .

ضربت على خدي ورحت قريب منه
_ صدك تحجي ؟
_ اخوج خبلني صح يحبها وخايف يخسرها
انتظرها ترجع هواي انتظرها بس هذا استعجاله
معاجبني وكلبي ناغزني منه .

دُر : خوفتني والله خوفتني اكثر من خوفي .
_ هو ريــان لازم يخاف مايفكر صار ساعة اقنع بي قافل
يريد باجر يتزوج ، زين روح اسأل وين جانت شلون عاشت
كلامهم صح غلط زوجها وين اهلك مخافت من اهلك من رجعت .

دُر : أخابره ؟
_ الصياد ماياخذ بكلام إحد آخذيها قاعدة
انصح بي يسمع الي يعجبه وبس .
دُر : وحرة ؟
_ مكمل الطابق الفوك الحرة مشتغل اليوم كله مشتغل
بس حُــرة بعدها كلشي ماتعرف .

دُر : ما اعتقد حُــرة تقبل تظل على ذمته
هيه البارحة گالت ما اصير طرف ثالث .
_ واخوج مستحيل يطلك يبس حلگي واني احجي وياه
عنودي الأبعد الحدود عنودي .

سحبني من ايدي گعدت على سرير قريبة منه
دُر : دخت علي الآكبر شلون فهمني .
_ هذا اخوج ويريدنا باجر وياه انتِ وانور
واني وابوية واشوف منو يمشي وياه .
_ والله علي الآكبر والله كلبي ما مطمئن راح تصير مصيبة .

بعدني احجي وتلفوني رن اخذته من الشحن
ورفعت راسي على علي الآكبر
_ هذا انــور .
_ شكو يا ستار .
جاوبته ومن احجي وياه ما ادري ليش اخاف وصوتي يرجف
_ الو انــور .
_ دُر مقتنعه بهذا النعال اخوج باجر يتزوج .
_ هسة عرفت من علي الآكبر .
_ وعلي الآكبر شنو يگول .
_ ها ..

اخذ علي الآكبر التلفون مني وبقيت صافنة من سلم
علي الآكبر : ها انــور .
انــور : هذا ريــان مضروب على راسه ؟
علي الآكبر: حجيت وياه والله متفق وياهن ومخلص
اموره كلهن اليوم على اخر دقايق ينطي خبر .
انــور : أطيح حظه وحظهن .

شغل علي الاكبر جگارة وبنبرة تحذير جاوبه
علي الآكبر: لالالا دير بالك يروح يخليك براسه .
انــور : اي ادري بي هسة احجي وياه يگلي لا تصير مثل اهلك .
علي الآكبر: اي شوف .
انــور : والحل ؟
علي الآكبر : نروح وياه واهم شي انت واختك
حتى يعرفون أخوانه موجودين اني شاك بشي
واتمنى مايطلع الي براسي صحيح .

سكت انــور لثواني ورجع يحجي بنبرة الشك
_ واني احس اكو ملعوب احتمال يعرفون ريــان نفسه الصياد
لو يشكون بي هو الصياد وخلوها ترجع تتأكد ؟

علي الآكبر: واحتمال يريدون حُــرة لان اول شرط
من شروطها يطلك حُــرة وبعدين وافقت حتى لو حُــرة موجودة
اكو لغز اكو لعبة تنحاك ..

انــور : واحتمال رجعت تنتقم لان اتعذبت من بيت الرياش .
علي الآكبر: كلشي وارد .
انــور : باجر تجون انت ودُر .
علي الآكبر: اي لازم .
انــور : ماشي .
علي الآكبر : الله يحذف بيت الرياش ونخلص من مصايبهم .
انــور : امشي لك لولو .

سد الخط منه واني جامده بوجهه اريد استوعب الصار
اريد اصرخ علي الآكبر وأنور متفقين على شي اخاف احلم
هو افتهمني ضحك واخذني نومني على ايده
_ لا تفكرين نامي اخوانج مو صغار كبار .
_ بس حباب لا تمل وتخليهم وحدهم .
_ انا كلشي اسوي الخاطر دُر .
بست خده وخليت راسي برگبته ونمت من التعب بسرعة .

صحيت الصبح على صوت العصافير والبردة مفتوحة
والشبابيك ادخل هوا بارد حركت جسمي وكعدت علي الآكبر ماكو
وصلت للحمام طلع مغسل وجهه نزّل المنشفه من وجهه
ونزل راسه باسني برگبتي وهمس
_ صباح الخير دُرر .
انبلع الساني ضحك وراح للغرفة لبس تيشيرت
واني غسلت على سريع وطلعت للمطبخ
طلع لحم من الثلاجة وثرم البصل وإني أراقبه
_ جوعانة .
_ اي .
_ تحبين المخلمة ؟
_ سامعة بيها بس ماجربتها .
_ همزين جربيها من ايدي .

كمل ثرم وشغل طاوة يحمس بالمواد ويضيف لمساته
سريع ولا يخاف من النار يهف هف خدر الجاي
وكل خطوة يسويها يعلمني عليهه رتبت الصينية
وگلاصات الجاي صبيت وهو شال الطاوة وگعدنا
بالگاع اكلت منهه طعمها يموت مليانة نكهات طيبة
_ ها طيبة ؟
_ فري نايس عجيبة عجبتني .

نزل راسه مايريد اشوفه يضحك ويتحمحم كمل
اكله وراح غسل واني اخذت الصينية للمطبخ
_ دُر .
_ ها .
_ عندي طلبية اخلصها وارجع جهزي
نفسج حتى نروح قبل بوقت .
_ الريان .
_ اي وجهزي ملابسي .
_ صار .
باس راسي وطلع وتلفونه يرن مبين مستعجل
طلعت اسلم على عمتي عبرت الممر وشفت جــود
باب المطبخ دار وجهه من شافني ضحك
_ هلا بالمثقفة .
_ هلو جــود المثقف .
_ اجت اصبع رجلي المدوحس .
_ منو قصدك ؟
_ ميثاق .

ضحكت وهو ولا يضحك وعمتي تعض بإصبعها
وتجر بالتيشيرت مالته تريد يسكت
جــود : بالعباس سراج الدين ما ادري شنو عاجبه بيها .
وريمان تخزر بينا عافت المطبخ وراحت ضربته عمتي وصاحت بي
_ راح تروح تحجي هل عرمة ولك عيب الخاطر سراج الدين .
سلمت ورجعت للبيت عفّتهم يتجادلون رتبت البيت على سريع
وبدلت وخليت مكياج وشعري رفعته ونسقت شال
لان ادري منطقتهم وحتى اهله مايحبون اطلع واطب بدون شال
وفرحت علي الآكبر من اخلي الشال كافي عندي بس ما التزم
بي اخلي بدون لف هيج بس اغطي شعري .

رجع علي الآكبر سبح وبدل قميص نيلي وبنطلون اسود
رفع شعره ورش عطر اجيت ألبسه ساعة ضحك
_ بعدج ماتعرفيني انا ما احب البس ساعات ولا محابس
ولا زنجيل بس الحلقة لان حلقة وصل بيناتنا واسمج
محفور عليهه البسها .
_ معقولة المعروف الرجال كُلكم تحبون الساعات .
_ عيونچ حلوة .

عدل شالي وتلمس خدي مبتسم براحة رفع ايدي باسها وهمس .
_ رسمة عيونچ تاخذ عقلي ، ولون شفايفچ لون يومي
هسة اني شلون اسيطر على روحي وهل جمال كله مالتي .
بقيت جامدة بس اباوع بعيونه ما اعرف شنو ارد
ما متعودة من ابدل احد يركز على ادق تفاصيلي
عرفني خجلت حضني ملت راسي على صدره ورديت بخجل
_ لا تحجي هيج تخجلني .
_ احب اشوف ملامح الخجل بيچ عبالك طفلة تصيرين بيدي .

ملصت نفسي من بين ايده ادري بي عنده استعداد
يلغي الروحه بكبرها هسة ويكمل غزل گعدت على
سرير البس بحذائي لبستها وطلعنا ، لگيت عمي
ينتظرنا بالباب هو وحسن صعدنا بالسيارة
وجود طلع من المطعم لابس كفوف
ابو حسن : عينك على البيت .
جــود : توكلوا .

شغل على الاكبر السيارة شخطها وطلعنا
دقايق وصلنا على بيت ريــان ينتظرنا هو وانور بالباب
مبدلين رسمي انــور رفع ايده يسلم على عمي
عمي رفع ايده رد السلام وحسن من بين اسنانه يحجي
_ صاير يسلم شمه .
علي الآكبر: أتعالج من الشم هسة بس مدگدگ .

صعد ريــان بسيارته وأنور بسيارة
ابو حسن : چا بنت عمهم وينها حُــرة ؟
دُر : ما ادري والله .
بس وصلنا عمي نزل راح على ريــان وريان يشكر بي
_ بنت عمك وينهم ؟
ريــان : بالمدرسة الساعة بـ 3 هسة بـ4 ونص تطلع
انــور اليوم يرجعها من المدرسة مو اني .

اجيت سلم ريــان عليَّ واني بالي عند حُــرة
دُر : تدري بيك اليوم تعقد على رنيم ؟
ريــان : لا ما حجيت عدها دراسة وماشفتها البارحة .
دُر : ما تحس نفسك استعجلت ؟
ريــان : احتمال بـ اي يوم يطلعون الشياطين من السجن
اذا يعرفون رنيم رجعت ما استبعد يسوي مشاكل
اكبر من قبل ويفرقونه وهل مرة ياسين يلعبها دبل
لان اخذت بنته ، لازم استعجل ماعندي غير حل .

انــور : زواج لا عرس لا تجهيز مثل العالم والناس
والمشكلة اهلها قابلين بالله هيَّ متزوجة قبل عادي عدها
بس انت ما متزوج قبل لازم عرس .
ريــان : لا مو لازم مايحتاج عرس وهوسة نتزوج
ونسافر كم يوم وخلص لا تكثرون كلام دخيل الله
وخلوها تعدي على خير اني مرتاح هيج وهذا المهم .

علي الآكبر: براحتك حياتك مو حياتنا سوي الي يعجبك
من خوفنا عليك ننصح بس دام مقتنع توكل خوية .
دگ الباب طلع رجال كبير بالعمر رحب بينا طلع خالها
ودخلنا اجت امها ترحب وتهلي استقبالها حلو راحوا
الزلم بالاستقبال صغير ودتني على الغرفة الجوة
بس دخلتها شفت رنيم لابسة فستان ابيض
ورافعة شعرها شكلها حلو ودمها محبوب
بوستها وگعدت يمها ايدها ترجف اجت امها
فرحانة تريد اطير من الفرح وتعدل برنيم
ام رنيم : بعد سنين من عذابهم راح يجتمعون اليوم
يمه والله حيلي ما متحملني بنيتي تعذبت واخوج تعذب .

دُر : دامها من نصيب ريــان لو تمر سنين والكُل
يصير ضدهم راح يجي يوم ويجتمعون ريــان
انتظرها يدري بيوم راح ترجع والحمدلله رجعت .
بعدنا نحجي وفات خالها يسوي طريق نزلت البياض
غطتها ودخل الشيخ وريــان وابو حسن
وانور وعلي الآكبر شهود گعد ريــان قريب منها
والشيخ بلش يحجي وصل الكلمة
_ فـ اذا قبلتي قولي قبلت وانت وكيلي .
رنيم : قبلت وانت وكيلي .
عادتها ثلاث مرات ، وانتقل الريان ردد الكلام من بعد الشيخ وختمها
ريــان : نعم قبلت .
_ مبارك الزواج ربي يتمم عليكم بالخير .

سلم ريــان على شيخ وعمي وقعوا العقد وختموا الاوراق
انــور ما بدر منه رد فعل غير بارك الريان وتجاهل رنيم
وعلي الآكبر بارك الهم اثنينهم بعدهم يطلعون من الغرفة
واستدار ريــان حضن رنيم بكُل قوته ونزلت دموعة
وهيَّ تبچي وترجف بجيت على منظرهم وبس رفع
البياض من وجهه طلعت لمحته يبوسها سدت امها الباب عافتهم وحدهم .

رحت على استقبال عمي وحسن ماخذين الشيخ ورايحين
باقي بس علي الاكبر وانور گاعدين ينتظرون من شاف
عيوني مبين نازلات دموعي بعد ما يندل طريقة وكف
يرفع براسي وايده ترجف ونبرة صوته تغيرت
_ شبيچ بوية دُر منو وياج .
دُر : مابيه شي بس من فرحتي دمعت .
_ احجي الصدك لا تجذبين عليَّ .
_ والله مو جذب بس من شفتهم سوية فرحت .
حضني يمسح على ظهري دقايق ومسح دموعي
بطرف اصبعه ويعدل بشالي لزم ايدي حتى نروح
شفت انــور صافن متعجب من تصرف علي الآكبر .

سلمنا على امها وخالها وريان طلع يعدل بشعره
ريــان : رايحين ؟
علي الاكبر : اي رايحين شوكت تسافرون ؟
ريــان : بس اصعد الجنط نطلع للشمال .

اريد انزل البس حذائي بعدني اريد احني جسمي
وانسحبت من ايدي من علي الاكبر مايقبل انزل وكلها تباوع
وهو يحجي نزل روحه لبسني ويسد بالسير مالتهه
ام رنيم بهتت وانور صافن ما مستوعب بس
ريــان متوقعها من علي الآكبر وكمل كلام وياه .

علي الآكبر: اي شي تحتاج بس خابرني .
ريــان : ماقصرت ولا تقصر عضيدي .
_ تدلل .
انــور : تروح بسيارتك ؟
ريــان : اي .
انــور : اروح وياك اعبرك سيطرة الشمال وارجع ؟
ريــان : لالا بس انت مثل ما وصيتك روح رجعها
وخليها امانة عندك بين ما ارجع انــور .
انــور : لا تعيد بالكلام هواي كافي .

طلعنا وريان صعد الجنط من صعدوا بالسيارة
رجعنا على مدرسة حُــرة تمشي وتسولف
هي وبنية نزل انــور اشر الها تصعد البنات
يباوعون عليه لان الوشوم بارزة وشكله عبالك
شارد من فلم مافيا لبس رسم وملامح جدية
من شافتني اجت تركض صعدت يمي
بوستها وسلمت على علي الآكبر وهمست
_ شنو هل جال ولچ ، وانور وعلي الآكبر بسيارة
حلم هذا كابوس اعترفي شلون سويتيها ؟
انــور : ريــان سواها .
حُــرة : صدگ المعقد وينه قالب الثلج المثلج مختفي .
انــور : تزوج وهسة سافر هو وزوجته .

علي الآكبر دار وجهه على انــور ورفع ايده
_ انطيك غمه وعلي .
انــور : شحدك لك ، غير اريد ابشرها .
حُــرة : عود ليش ما اخذتوني وياكم والله اليوم ماعدنا
دروس هواي جان رحت وياكم اغير جو شبيكم .

علي الاكبر : تروحين بعرس زوجج ؟
انــور : اكلك لا تحجي وياها ما اقبل على بنت عمي .
دُر : بس انتظروا ، حُــرة يعني عادي تروحين عرس ريــان ؟
حُــرة : طبعاً عادي غير اخوية والقرآن افرح من كلبي
تدرون ريان مصمم تصميم بيتهم وينتظرها ترجع هاي
بفضل دعائي رجعوا هههههههه .

انــور : لا وريان يگول فهموها على كيفكم
لا تزعل وتتخبل عليكم اذا ما أخابره .
دگ على ريــان بسرعة جاوبه
انــور : هاك حُــرة تريدك .
اخذت حُــرة التلفون وحجت وايده على خصرها
_ ليش ما تعزززززززمني على عرررررسك .
ريــان : شنو ؟
_ عرررسك عرسك ليش بس اني ما موجودة؟
ريــان : احمممم مو بالمدرسة .
_ لو ادري ما اداوم واجي وياكم زعلت عليكم كلكم .
ريــان : لا تزعلين وتخبلين الأمم العربية كلها .
_ ههههههههه لا اني اتخبل بس عليك .
_ امشي لچ ههههههههه .

سكتت ثواني ودارت وجهه تهمس بصوت خافت
_ ريــان .
_ احممممم ها حــرة .
_ اروح البيت دُر ما اريد أبقى بالبيت بس اني وانور .
_ ابددددددد لاااااااا ما اقبل .
_ مو يضربني .
_ الزمي السانچ الفالت بين ما ارجع احممممم
اسمعي روحه البيت دُر ممنوووووووووع .
_ مو و ...
_ اشششش انطيني علي الآكبر .

سلمت المبايل العلي الآكبر استمع دقايق وعاط بريان
_ شبيك تصيح ، عيب من مرتك يمعود ، اي ما اخذها
لااا شنو دُر تظل هناك ، قرار جديد شنو ، منو تخاف حُــرة
هااا فهمت ماشي لا تصيح اشوف انطيني مجال فهمت كافي .

سد الخط ورجع التلفون
انــور : شبي ؟
علي الآكبر: يصيح والبنية وياه ولد الرياش يحتاجون تربية .
انــور : ايباه تعال ربيهم يا ابو التربية والأخلاق .
علي الآكبر: ماعندي وقت ، دُر ريــان يريد تبقين بالبيت
علمود حُــرة مايريدتظل وحدها .
دُر : انت تقبل .
علي الآكبر: اذا تريدين تبقين ابقي عادي يومين ويرجع .
تنفست براحة جنت شايلة هم شلون تظل حُــرة وحدها
نزل على الآكبر مقابيل بيتهم وطلع جــود شافنا بالسيارة
رفعت ايدي سلمت عليه وهو صاح بصوت عالي
_ شلونچ ريلاكس .

انــور : مو أنزل أسويك ريلاكس انت واخوك .

حُــرة : اوووي زينة اني زينة .

انــور : يا بنت الكلب .

علي الآكبر: انتظروا لا تروحون دقايق .

راحوا على مطعم وانور طلع تلفونه يراسل شوية
ولمحت رجلين جوة الباب من حماسي نزلت اريد اشوف منو
فتحت الباب شفتها شهد من شافتني كمزت
_ لچ شهد .
_ اجيت اضربه بالنعال شبيچ .
_ شلون عرفتي احنا هنا .
_ راسلني المدگدگ يگلي اطلعي اشوفچ مشتهي نعال مبين .
_ انتِ فد جذابة الله يستر منج طالعة تركض تريد تشوفينه اعترفي .
_ لا ولچ لاااا .

عافتني وركضت للبيت وجهه صار احمر دم
رجعت للسيارة وعلي الاكبر طلع من المحل
بيده وجبات اكل عائلية صعدهن يمي
ومستمر يتجادل هو وانور بس سد الباب
حرك السيارة سريع ودار روحه يريد يضرب
حُــرة شالت الجنطة اجت الضربة بيها
انــور : هسة اخابره اخلي يعرف مرته تسلم على الزلم
وتصيح ريلاكس وزينة واووووووي وعلوووووووي .
دُر : انــور فدوة انتبه على طريق شبيك .
انــور : انتِ اسكتي .
دُر : احجي عدل ولا تبيع إسلاميات وعيب وحرام براسنا
وانت تراسل بـ اختهم تريدها تطلع تشوفها .

گطع النفس من عرفني كشفت الموضوع بعد لا يحجي
ولا يتعارك بس وصلنا فتح البوب دخلنا وقفل كلشي
وصعد فوك راحت حُــرة غسلت واني اخذت تراك منها بدلت
ملابسي وكعدت اني وياها ناكل وتسألني على شكل رنيم
وردت فعل ريــان وين راحوا وشوكت يرجعون بس كملت

كعدت تدرس الحد ما غفت خليت مخدة جوة راسها وغطيتها
وبقيت الكتب يمها طلعت للكراج اتصل علي الآكبر يسألني
اذا انــور يتعارك لو يضرب شوية وراح طلعت مسلسل
شفتها ونمت بنفس غرفة حُــرة وجهه الفجر حسيتها
كعدت تقرا وترتب بالدفاتر بقيت نايمة للظهر شفتها تبدل
دُر : وين رايحة ؟
حُــرة : للمدرسة جهزت اكل اذا تجوعين اكلي .

من طلعت رحت وياها تعجبت من شفت انــور ينتظرها
هو اخذها رجعت وحدي بالبيت راسلت علي الآكبر
وساعدت ميمي للظهر رجعت حُــرة وراها بدقايق
وصلت اخشاب غرفتها الجديدة انــور استلمها
ودخلهم يشدوها بالطابق الثاني ، بس طلعوا نقلت
حُــرة اغراضها وملابسها فوك كلهن رتبتهم
ساعدتها تأخرنا الى ان خلصت سبحت وميمي
ادك الباب عليَّ : ماما بابا يجي هنا .
طلعت انشف بشعري عادت كلامها رحت على استقبال
سديت الباب من شفت علي الآكبر حضني يشم بعطري
ويبوس بشفايفي بلهفة گعدني على رجله وراسه برگبتي
_ شلونچ بوية دُر .
_ زينة اليوم الصبح راسلتك ماكو .
_ من راسلتيني عرفت تريدين تشوفيني واجيت .

حضنته لدقايق وسولفت يومي بالتفصيل گعد
_ لازم اروح .
_ شبيك .
_ مابيه .
_ احسك زعلان مني ؟
_ لا بالعكس .
_ والله زعلان حتى ماتحجي كلام حلو .
_ بس بيتنا احجي كلام حلو ما اريد تتعودين على غيابي .
_ رحت برضاتك .
_ صح برضاتي بس من تريدين تسمعين كلام حلو ترجعيلي .

بقيت اعدل بلحيته نهض وگعدني بمكانه وراح عنده شغل
لا تحركت ولا طلعت وراه بقيت بنفس مكاني وحرة ادور
عليَّ اجت يمي تحجي على مدرستها ودراستها رحت
وياها اكلنا وانور ولا ينزل ولا نشوفه يوم والثاني والثالث
نفس الروتين باليوم الرابع بدلت حُــرة وراحت للمدرسة
انــور وصلها ، رجعت للبيت واسمع الباب الخارجي يدك
طلعت صحت بصوت عالي
_ منووو ؟
_ انا خالة دُر انا ام رنيم .

رحت فتحت الباب دخلت بوستني وفاتت للبيت
بدون حتى ما اگول تفضلي گعدت بالاستقبال
صحت على ميمي تقدم الضيافة وهيَّ تتفحص بالبيت
_ هذا بيت ريــان ؟
_ اي خالة بيت ريــان .
_ زين ليش كلكم وياه يعني اقصد بيت
ابوكم ليش ماتروحون هناك ؟
_ ريــان يرتاح هنا اكثر وباقين كلنا وياه ليش السؤال ؟
_ لالا ماكو شي بس هيج سألت ، اي شنو جهزتوا للعرسان .
_ ليش راجعين .
_ يا اي اليوم راجعين على وصول كلهم ماتدرين .
_ لا والله ما ندري كلنا .
_ چا هسة يرجعون تعبانين وجوعانين شلون يظلون بلا اكل .

رجع انــور طلعت بلغته بريان وقبل لا يصعد جاوبتي
_ هسة نطلب من مطعم مايحتاج تطبخون .
هو صعد واني رجعت يمها لگيتها لازمة الكوشة تتفحص بيها
ما ادري شسوي من شافتني ذبتها
ام رنيم : ها بشري .
دُر : انــور طاب من برا دقايق ويوصل .

راحت تفتر بالبيت حسيت بيها ادور بعيونها
على حُــرة بس غلست عنها من صعدت نص الدرج
سألتني ؛ بنت عمكم وين ؟
_ بالمدرسة .
_ وين تنام .
_ بغرفتها هاي الثانية .
صعدت تريد تدخل غرفتها بس الحمدلله مقفولة
خلتني افتر وراها عبالك مخبلة اريدها تثبت بمكان
ولا عبالك يمها احد وعيب ، نزل انــور من شافها
بالمطبخ راح أستلم الاكل ودخلهم على ميز الذعام ورجع فوك
رتبت المطبخ والأكل على ميز الطعام وسمعت الباب
وتلفون ام رنيم رن جاوبت واخذت جيس جكليت وطلعت تركض
اجه انــور طلعنا بالباب كلنا فتحنا ونزل ريــان وراح على
جهة رنيم فتح بابها ونزلها وام رنيم هلهلت بعلو صوتها
وشمرت جكليت عليهم سلم ريــان عليها ورنيم باست امها ودخلوا
من شافني اجه حضني وباس راسي
ريــان : شلونچ دُر .
دُز : من شفتك فرحان صرت زينة الف
مبروك تستاهل كُل خير .
ريــان : حبيبتي .

تقدم انــور سلم ودخلنا راحوا اثنينهم يبدلون
واني وميمي بالمطبخ اجهز الصحون
دخل ريــان علينة ابتسمت بوجهه ورجعت اشتغل
ريــان : احممم دُر .
_ ها عيوني .
_ حُــرة بالدوام ؟
_ اي راح انــور يجيبها .
_ تمام .

فاتت رنيم هي وامها يمي وريان طلع للكراج بقيت أراقبه
من سمع صوت سيارة انــور وگف وره الحايط ونزل نفسه
حتى ما ينشاف عرفته يريد يفرزها بس فاتت اشرت الها
من بعيد هو يري يكمز وشمرت الجنطه على وجهه
وضحكت بصوت رنان بحيث ضحكتها فضيحة
فزت رنيم موسعه عيونها بصدمة تشوف شنو هل ضحك
وريان يضحك وشال جنطتها بدون شعور وانور يرزل بيها
ريــان : شلون عرفتي شيطانة .
حُــرة : يمههههه صدمتك تموووت هههههههه .
مشت وهو وراها التفتت وهي تكمز
حُــرة : امتحنت اليوم احزر شكد اخذت ؟
_ 100
حُــرة : شنو هكر .
_ هههههههه لعد ؟
_ 50 اشك بالخمسين المعلمة دافعتني بيها بدرجة
اني استحقاقي 49 والله بس انقهرت عليَّ .
_ طيح الله حظ عقلچ .
_ الف مرة ههههههههه .

دخلوا يضحكون ريان ناسي وحرة ماتعرف شنو ينتظرها
بقت ثابته بمكانها من شافت نظرات رنيم عليهم
وخرزاتها بلعت ريگ وضحكت وياها
حُــرة : هلا عروستنا الحلوة الف مبروك يعمرررري .
راحت تريد تبوسها فشلتها ودفعتها من كتفها وراحت
للغرفة اباوع على امها تخوزر بحرة والبنية خجلت وبهتت
فرت ايدها وراحت بغرفة بنتها
حُــرة : دُر اني شسويت ؟

حضنتها وبست خدها
دُر : كُلشي ما سويتي والله بس بعدها عروس وتتحسس .
طبطب ريــان على كتفها التفتت اله وعيونها تلمع
ريــان : روحي بدلي حتى ناكل .
حُــرة : لالا اني اكلت بالدوام اريد انام .
ريــان : تصعدين تبدلين وتنزلين لا تخليني .
دُر : اني اروح وياها بس انت روح راضي رنيم .

اخذت حُــرة بدلت وحاولت اخليها تنسى الصار
ادري بيها من النوع ما تحقد بسرعة تنسى
على نياتها كل تصرفاتها طفولية بدون تخطيط
نزلنا لگيت رنيم تصب ساعدتها وحرة راحت تغسل
گعدنا على ميز الطعام وحتى انــور موجود
بس اجت حُــرة گعدت يمي وكفت رنيم تريد تروح
سحبها ريــان من ايدها بقوة رجعها بمكانها بدون
ما يرفع راسه ويشوفها بقت نظراتها ثابته على ريــان
انــور بغير عالم مكتفي بالسكوت وياكل بهدوء
شال ريــان اكل بماعون رنيم وهمس
_ اكلي .

امها بس تشاهد وتخوزر تجاهلتهن حُــرة ولا عبالك موجودات
وتصرفات على طبيعتها هي تحب تحجّي اندمجت
اسولف وياها على دوامها ودراستها وريان بلا سيطرة يركز
ريــان : ما شفتي ابو خط زين ؟
حُــرة : انــور خوش خط يروح سايلنت ويرجع سايلنت .
انــور : عندي شغل اني ديررررررر بالك تكلفني بهذا الموضوع .
حُــرة : هاي لو ذولاك الناس جان رحت تركض ركض
ابو المراسلات اطلعي اشوفچ موووو ؟
ريــان : ها شصاير مبين لازمة عليك لزمه .
انــور : ختولي هل مخبلة.
ريــان : انت مخبل .
حُــرة : اي والله .
دُر : احمم حُــرة الله لا يجذبني رنيم وامها راح
يهجمون ميز الطعام على راسنا .

التفتت شافتهن تحمحمت ودفعت الكرسي
_ الحمدلله .
دُر : ما اكلتي شي .
حُــرة : راح انام من اكعد اكل الجدورة كلها لا تخافين .

صعدت واني غسلت كلهم خلصوا راحوا للاستقبال
بس رنيم وجهه ما يتفسر بعد دخلت ميمي الجاي
وزعت علينة طلع ريــان شوية ورجع صاح
_ دخلوا جوة .
انــور : شكو ؟
_ علي الآكبر اجه .
راحت رنيم وامها بقت ما تحركت من مكانها
دخل على الآكبر سلم وظل گاعد وام رنيم
تتشكر منه وتحمد بي يعني تعرفه
دُر : شوكت عرفتها ؟
ام رنيم : من اخذوها الرنيم وريان دخل سجن
وابوها مات رحت على ابوج ابجي وعلي الآكبر
جان السايق عنده من رجعوا ابوج عافني وفات والله
يرضى على علي الاكبر انقهر على حالي وشربني ماي
غسلت وجهي وشكيت حالي وهوه حلف يتكفل بالموضوع
ومن يومها عاند وطلع ريــان من السجن وصار ثاري
نفسه ثار علي الآكبر حارب أبوكم وتعاون هو وريان
ومن يومها ما عافوني وحدي بكلشي ايدهم بيدي فدوة اروح الهم .

علي الآكبر: تدللين يمه بالخدمة اي شي تحتاجين انا ابنچ .
_ واعز والله يا يمه ما انسى معروفك طول عمري .

بارك الهم علي الآكبر واشر بعيونه
_ يلة دُر نروح .
ريــان : عوفها اليوم .
_ ليش انت تتزوج احنا نتورط .
صعدت بدلت وسلمت على حُــرة وحلفتها تتجاهل رنيم
ونزلت طلعنا وريان يشكرني وانور مبتعد بس يشاهد
رجعنا للبيت من الباب وشاف شيوخ عدهم
_ مبين ابوية عنده خطار .
_ اي واضح .

رحت على مطبخ سلمت على عمتي وكل البنات موجودات
بس ميثاق من شافتني صعدت فوك ومبين عليهه قلقانه
عفتهم ورحت البيتي دخلت من الممر وطلعت المفاتيح
فتحت الباب ودخلت اول ما داست رجلي حسيت شي
نمرد جوة رجلي نزلت راسي واشوف بزون لون اسود
بدون راس وذيل ودجاجة لون اسود بلا راس
وحمامة لون ابيض بطنها مفتوحة ودست على اعضائها
وجلد حية مصلوخ ملفوفات بي وحدة مربوطة بالثانية
كفختني ريحتهن صرخت بعلووو صووووتي صراخ
مجانين من هول المنظر جسمي يرعش ورجلي
كلها دم بلا وعي اضرب برجلي بالحايط واملخ بروحي من الوجع .

يتبع ...

ثقل ميزانك بذكر اللّٰـه:
- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد ..

.#بارت٢٧

﷽



روح أتَرس فَراغك بالبَرود الـ بِيك
انَه وَجه الشَمس بالمَلگى غَطيتهَ


فتحت الباب ودخلت اول ما داست رجلي حسيت شي
نمرد جوة رجلي نزلت راسي واشوف بزون لون اسود
بدون راس وذيل ودجاجة لون اسود بلا راس
وحمامة لون ابيض بطنها مفتوحة ودست على اعضائها
وجلد حية مصلوخ ملفوفات بي وحدة مربوطة بالثانية
كفختني ريحتهن صرخت بعلووو صووووتي صراخ
مجانين من هول المنظر جسمي يرعش ورجلي
كلها دم بلا وعي اضرب برجلي بالحايط واملخ بروحي من الوجع .

انسحبت من ايدي وگعت بالأرض ارافس بيدي وبرجلي
واسمع صياح عالي فوك راسي وگعت بين احضان علي الآكبر
ضم وجهي مايخليني اشوف وبصوت عالي يصيح
_ جوووووووووود نظف المكان جوووووود .
اخذني عمي من ايد علي الاكبر يريدني اركز وياه
_ دُر بنيتي دُر ماكو شي كلنا هنا يمچ افتحي عيونچ .

مي يطخ برجلي لمحت الدم يجري هو والماي
صحت لااااااااا شنوووو هااااايييييي كلبي رأح يوكف لاااااااا
علي الآكبر: بوية دُر انا هنااا يمج .
راح عمي على زلم صارت خبصه بالكراج شالني علي الآكبر
دخلني للحمام يرفع بملابسي من رجلي ، فتح الماي
وعمتي صوتها تحجي هيَّ وجود برا ، غسل رجلي وجسمي
يرعش شفايفي يبست امسح بدموعي وتنزل
رفعت راسي من راح الدم واشوف اظفر رجلي طاير
واگع وبس من جهه باقي ثابت احتاريت وما عرفت
ابجي من المنظر لو من الوجع ، غسل وجهي ويمسح
بي عمتي فاتت بقت لا تاخذ ولا تنطي من الدم الصار بالحمام
عدل شالي ورجع شالني طلعني مستعجل والدم يصب مني
ام حسن : وين رايح ولك يمه .
_ اخذها للمستشفى .
جــود : يمعود الزلم بالديوانية والباب مفتوح يشوفوكم .
علي الآكبر: انعل ابهاتهم لك هاي دُر .

عبرنا الممر وطلع وهو شايلني يمشي بكُل سرعته
فتح جــود الباب صعدني واني جمدت حتى بجي بعد
ما بجيت ، صعد شغل السيارة وشخطها لزم ايدي رجف
_ دُر ايدچ ثلج لا تخافين بوية والله ماكو شي يريدون
يهددوني بيج ، يريدون تخافين الخاطري دُر احجي شي .

اكتفيت بالسكوت نزلني على مضمد معروف بالمنطقة
نفسه الي عمي ابو حسن وداني عليه قبل لا اتزوج علي الآكبر
سلم وشاف اصبعي وقدم رجلي شلون ورم راح يجيب
احتياجاته وهو يشرح حالتي وبيده مگص
_ لازم اقلع الباقي من الاظفر .

فتحت عيوني العلي الآكبر وهزيت راسي بـ لا
آني كاعدة على سرير اقترب مني حضن راسي على صدره
علي الآكبر: تخدير ابو حسين فدوة اروحلك كثر .
_ بعيوني ابو جبل بدون توصية .

رش مخدر وضربني وبعدها روحي تلوب قلع روحي
من قلع الباقي من الاظفر لزمت ايد علي الآكبر لويتها لوي
واناشغ وهو يتلوع ويايه بس مثبت روحه مقابيل الرجال
لف اصبعي وطلعنا استندت بكل حيلي على علي الآكبر
صعدني وهو يهز برجله بس يريد نوصل ، نزلني
للبيت الزلم رايحين عمي وعمتي يتوسلون يفوتني
مايقبل اخذني عمي من ايده ودخلني وهو عافني وراح
من المطبخ على غرفة عمتي دفر الباب وسراج الدين
لزمه من صدره وحسن يصيّح وجوهم صفر صارت
سراج الدين : اذكر الله بس اذكر الله لا تتهور .
حسن : حقك راجع وحگ الله بس خليني افتهم لا نظلم احد .
علي الآكبر: يرررررريدووووون يخبلوووووووهااااا
ولكممممممممم يااااااسين واخوووووانه مااااا سووووهااااا .

وكفت ريمان تلطم على وجهه وتملخ بروحهه
_ وداعت جهالي الاثنين ماعندي اعز منهم والله
موووو اني والقران مووووو اني بيش احلف بعد الكم .

رفع علي الآكبر اصبعه ياشر على ميثاق
_ انتِ انتِ انتِ من رجعتي ودخلتي تتمسكنين وتعتذرين
كلبي ما برررررد منج نغززززززني كلبي منچ ميثاااااق .
ابو حسن : بوية علي الآكبر زلمهن يتصرفون وياهن
مو تدري حگك مايضيع دام بيد اخوك سمّي بالرحمن بوية الخاطري .
علي الآكبر: لااااا وحگ داحي باب خيبر اليوووووم
وهل دقيقة اذا ما اعررررف منوووو وراهااا
وشنوووو غايته سحرر لوووو تخووووويف
لووو اناااا لو هل ثلاثي هناااا بهذا المهجوووووم .

طلعه عمي يبوس براسه وسراج الدين يحلف
ويرجع يعتذر بس يريدون يثبت بمكان وهو يروح
منا ويجي منا بس يريد يفوت عليهن اعصابة تفوووور
من يمي خفت وكتمت حتى صوتي والشهگات .
علي الآكبر: لااا تحاول بوية اليوم ما اكعد بمكان
اذا ما اسمععععععع معتررررررفات اليوووم ضروري اليووووم .
حسن : ماعندي خاطر عندك .
علي الآكبر: لك يااااا خاطررررر نسوانكم يخلون خاااااطر
خبلوووهاااا ولكم خبلوووهااااا مابيهااااا حيل شبعانة ضيييييم
تخلص من بيت الرياش يطلعن هل ثلاثي يلعبن عليهه ليششش
اريد اعرف شنووووو هل حقد شسووووت الهن هيَّ شسوووت .

ريمان : اني اني شعندي وياهه علي الآكبر واكرهه
والله ما اليه شغل بيهااا اخذني حلفني .
علي الآكبر: كرهتوها على كره ميثااااق مووووو
هي كرهتها لازم كلكم تكرهوهاااا بعد ما يهمكم زينة مو زينة .
بتول : انا من يوم يومي بعيدة عليها صح احجي مرات
ومن اسمع ريمان وميثاق يحجون اشارك بس ما عندي
غاية اسوي هيج واخوفها ، حتى اهلي بعيدين وين وين اروح
اشوفهم وارجع كاعدة دائماً انا يمكم فدوة فكروا مو اني والله .

ضرب الحايط بكُل قوته بوكس وره بووووكس ويصيح
وهو يباوع بوجوهم واحد واحد وكلهم باهتين
_ لعد منووو حاجيني فهميني كلها تصيح مووو احنا
ميثاق تحجين لو انهض بالووووواجب .
ميثاق: فهمتكم موووو اني ومو راضين تصدگون
شسووووي اموووت نفسي حتى تصدگ انت وياها كلامي صح .
حسن : انتوا الثلاثي هسة تلمون ملابسكم وتتوكلون .
ميثاق : سراج الدين والله بعالي سما اذا اطلع هل مرة
وظلم من هيج نااااس وتقبل والله يا سراج والله ما ارجع بعد .

ام حسن : لا تهددين يمه چا انتِ مسويه مصيبة
بكبر راسج وتهددين .
ميثاق : اخذ جهالي واهج حتى بيت عمي ما اظل شني هل ذل
من يوم دخلت هل دلوعة كل ساعة تتعاركون وتهددون علمودها
هي بنت الزينين واحنا طالعين من زرف الحايط .

ظل عمي يضرب على ميز الى ان الكل سكت
ينتظرون يحجي وجهه احتقن من العصبية صاح بيهم
_ ولا واحد بيكم يحشم ويگول عيب ابوي وامي بالنص
لوووو واحد بيكم خجل وگال بوية شنهوووو رأيك .
حسن : محشوم بوية بس هذا حادنا حووووود
هسة نريد نفتهم شي ماكووو ما يخلي واحد يفتهم .

جر كرسي گعد علي الآكبر ويهز برجله ويصفك بيده
_ يلة بالله افتهمووووووووا لان انا هم اريد افتهم وياكم .
ابو حسن : لاااااااا تصييييييييح .
علي الآكبر: اسألهن هذا الصار شنوووو وضعه
الغاية منه شنوووووو يخبلوها لو يموتوها لو نفترگ ؟

ميثاق : مو اني احلف بالقران مو اني كافي كاااااافي
كلّكم علينة بهل غررررفة روحوا تاكدوا منووو وراهاا
خليها هي دُر تفتح عيوووونهاااا وتفكرررر منوووو عنده مصلحة
تذكرووي وين جانوا برا البيت لو جوة البيت فكررري فكرررري .

باوعت بنظرات الضياع عليهه فاتت عليَّ للاستقبال
واشرت عليهم كلهم بلا خوف ولا خجل
_ ركززززي بيهمممم عوفيني اني شيليني من افكارچ
وفكرري منوو وراها من يمهم وليش هيج يتصرررفون
افتحي عيونج على حقيقة الي راح تهدد دُر تذكري منو هددچ .

وكفت رغم الوجع دست على روحي وصار طولي ويه طولها
وعيوني بعيونها لان اعرف الهااا وتعرف الي
دُر : ماكو غيرچ وماراح تمررررر عليچ هيج
بهل سهولة تعبتيني انتِ بس اتنفس من المشاكل
شوية تطلعين بمشكلة اكبر من راسي وراسج
راح تهجمين بيوت من الحقد والكره مالتج الي بلا سبب .
دفعتني وصعدت بهمه تسب بروحها وتهدد وتصيح
_ احلف الهممممم موووو اني وكلهااا تتهجم
عليَّ وزلمتي يتفرررج مايشوف اخووو شلون
يرجف على ست الحسن والدلال بنت العصابات
عمي من حظچ على حظي يا بنت يوووووسف .

دفع سراج الباب وركض يريد يصعد ولزمه ابو
_ هااا هاا وين رايح .
_ اروح اگص السانها هاي كلشششش طغت .
ابو حسن : ماعندي ولد يضرب مرته لا تضيع تربيتي بيكم .
_ بوية ماتشوووف بعيووونك محد سلم منها .
ابو حسن : اششش اششش لا تحجي عليهه بين اخوانك
عيب بوية هاي ام جهالك اصعد تفاهم انت وياها بغرفتكم
برا غرفتكم ممنوع تتجاوز لو تقلل منها ما اريد تتكرر منك بوية .

صعد سراج الدين وحسن هو يصعد وصاح
_ ريمان تعالي ...
صعدت ريمان وبتول لمت جهالها وعمي يحجي وياها
_ اصعدي ومن يجي عز الدين يشوف شغله وياچ .
صعدت تركض وجهه شاحب الون ، اشر علي الآكبر
على درج ومثبت نظراته على ابو مقلص عيونه ويرجف
علي الآكبر: هاي هيَّ يعني حليتها طشررررتهم
وكل واحد اخذ مرته صعد وبقيتني هنااا حااااايررر هذا الحل .
ابو حسن : ابو رجفة يحلفن ماتشوف الحلفان شني نضرب
نسوان تالي عمررررررنا تريد شني غايتك انت .
علي الآكبر: فسر اريد تفسر الصار عقلي
اني هسة عقلي قافل عليهن .

دخل عز الدين مستغرب من اصواتهم
_ شكو يا ستار شصاير ؟
سولف علي الآكبر الموقف الصار وعز الدين نزل راسه
وبعده يحجي من كمل سأله ببساطة
_ انت بهذا الكلام منو تتوقع ويجي براسك ؟
عز الدين : اكو غيرها هاي خلت النسوان تتشيطن
لا ظل مستحى ولا خوف الله بعد هاااااي ماتشبع مشاكل .

صعد يصيح طلع حسن يحجي وياه حتى يهدي الوضع
وسراج الدين بس نسمع صوته العالي والتكسير
بعدهم يحجون أستندت على حايط وطلعت للبيت
بس شفت عتبت الباب بقيت اتلفت من الخوف
دفعت الباب مديت راسي للبيت ورهبة بداخلي صارت
قزيت من سمعت صوت بالممر ألتفتت اتنفس بثقل

_ علي الآكبر .
_ روحه العلي الآكبر .
_ خايفة افوت جوة .
احتواني بين أحضانه ودخلني للغرفة كعدني على سرير طلع
ملابس اخذتهن اريد ابدل مايقبل غير ملابسي بيده بكُل هدوء
وحذر وراح للمطبخ رجع بيده گلاص ماي شربني كبسول
حتى لا يلتهب اصبعي رفعني بين ايده سندني على مخدة
يعدل بشعري وفتح عصارة لون بنفسجي بيها ريحة قوية
دهن رجلي المضروبة رخت من وجعها وعبالك تخدرت
راح غسل بدون ماينطق بحرف حسيت الف فكرة وفكرة براسه
رجع يمسح بيده بالمنشفة واجه بالجهه الثانية من السرير
سحبني ومد ايده نومني على صدره يمسح على خدي
_ دُر بعد ماتتكرر لا تملين وتعوفيني يريدون تكرهيني
وتخافين من بيتنا لا تروحين والله آخذ حقج بس ابقي يمي .

حضنته وبعدني مغمضة عيوني أشوف اظلام بس ظلام
ولمست علي الآكبر الدافية وهمساته ورجفة صوته
وهو يخفف من اهتزاز جسمي من الخوف
غفيت من استقرت اعصابي والتعب انزاح مني بوجوده أمنت .

فزيت على صوت شهد برا هي وجود مددت جسمي
وشلت البطانية مني اخذت قراصه صغيرة لميت شعري
وشفت وجهي بالمرايا مابي شي وطلعت اشوف شصاير
شهد : هاي منو كعد من النوم صح النوع عيني .

التفت علي الآكبر يراقبني بنظراته ابتسمت حسيت ارتاح
وصلت للمطبخ ضحكت لا ارادياً من شفت جــود
دُر : استغليت الوضع تفتر بيتي براحتك ؟
جــود : چا غير النفس حبيبي علوكي ضايج اجيت أضحكه .

دُر : مايضحك بس اني أضحكه هاي شنو شسويت ؟
جــود : لقيمات تعرفين اليوم لازم نتسحر باجر اول يوم رمضان .
دُر : وتصوم .
جــود : انا الي أصوم اريد ادعي على اهلي
تعاي اكلي تعاي عوفي الحقد على صفحة .
دُر : يا حقد ؟
جــود : الحقد مالتچ بت يووووسف عبالچ ما ادري بيچ
تغارين تريدين تخربين بيني وبين علوكي .

فريت ايدي ورحت العلي الاكبر واشر على مطبخ
_ سمعته .
_ امممممم .
_ وقابل .
_ لا هسة آطيح الچ حظ حظه .
كعدت قريب منا وشهد راحت تساعد جــود مال جسمه عليه
لزم اي حضنها بيده وباسني بخدي عيونه ذبلانه ونبرة
صوتي هادئه بطريقة غريبة بلع ريگ ورفع ايدي باسها
_ شلون صرتي ؟
_ زينة احسن من قبل .
_ طردتهن كلهن ما عاش الي يخوف بنيتي .
_ طردت منو .
_ الثلاثي .
_ عزا شلون .
_ لا دوخين نفسج وتشغلين بالج .

أبتعدت من دخلوا جــود وشهد وبيدهم صينية الحلويات
بعدهم يرتبون ودخل سيف الدين وسراج الدين يصيحون
_ لا يا خونه تخونون الخوة وتاكلون وحدكم وسفه .
جــود : جنهم جلاب وين ما يشمون اكل يركضون .
سراج الدين : أذا سابقينا وماكلين قبلنا ما ابريكم الذمة .
جــود : لا يا ابو بطن .

ضحك سراج الدين بوجهي وبيده جيس قدم ايده اليه مبتسم
دُر : شنو هذا سراج آلدين؟
_ افتحي .
طلعت علبة بيها كڤرات اثنين التلفوني وحلويات
_ هاي اليه ؟
_ اي .
رفعت عيوني اباوع عليَّ وعيوني جرت ما اتحمل هل مواقف
سراج الدين : عادي تعتبريها اعتذار ؟
دُر : شكراً سراج الدين والله خجلتني بتفكيرك
انت ماتحتاج تعتذر ونعم الأخ والله ماشفت منكم شي مو حلو
جــود : يلة كافي اخذي الحلويات والگفرات وغلسي عليهن
عووود نسيت وما انطي الكم ولا نستلة .

راح اخذ الريموت وظلم المكان وشغل الصوت عالي
على فلم اجنبي وكعدنا كلنا نتابع الفلم ومندمجين
وعلي الآكبر صار ورايه استندت على صدره
يغلغل ايده بين خصلات شعري بدون ما ينتبه عليه احد
رفعت راسي اشوفه مركز بالتلفزيون بس مثبتني بين ايده
على حركته وهدوء البيت غفيت ما حسيت على روحي
غير نرفع جسمي ورجعت بغرفتي .

للفجر اندك الباب الخارجي سمعت شهد تحجي هيَّ وهي الاكبر
عمي يريد نروح نتسحر يمهم اول يوم ، من دخل شافني بدلت
علي الآكبر: نتسحر هنا ؟
_ لا عيب ينتظرونا هناك .
قفل الباب وطلعنا للبيت الثاني لگيت جــود گاعد ركبه ونص
بالمطبخ يسولف ويروح للاستقبال يشحن ابو على امه
وشهد مخليه راسها بحضن عمي وتضحك هيَّ وياه
ساعدت عمتي بالمطبخ لان ولا وحدة منهن موجودة
فرش سيف الدين السفرة وجود وسيف ينقلون بالمواعين
ويحجون على شهد عمي مايقبل تگوم تساعدهم يريدهم همَّ يخدموها
اخذت صينية الجاي شغت علي الآكبر عازل نفسه عيونه بالتلفون
لا يضحك ولا يشاقة وياهم وحسن وسراج يسولفون بيناتهم
عز الدين نزل بالأخير اجتمعنا على سفره وحدة
كعدت بصف علي الآكبر اكلت قليل واصلاً اني الكل مو مهم عندي
كملنا اني وشهد تساعدنا على مواعين واسمع عمي سحل جــود
وسيف الدين للمغسلة يصيح بيهم
_ يلة من رمضان الرمضان تصلون انتوا يا حيوانات .
سيف الدين : بعلي بوية نسيت شلون اتوضأ علمني .
جــود : انا اعلمك بعلي سهلة ما تحتاج روحه للقاضي .
ابو حسن : اي بالله خلي يعلمك جــود .

غسل سيف الدين وجهه وجود يعلم بي
جــود : ردد ورايَّ الخايس گول اللهم بيض وجهي يوم
تبيض الوجوه وسود وجهي يوم تسود الوجوه .
ابو حسن : اللهم صلي على محمد وال محمد .
علي الآكبر: ههههههههههههه مسوي اشتراك
بين المسلمين والمشركين .